«Imom Buхoriy» ordenini ta’sis etish toʻgʻrisida»gi Qonun qabul qilindi. Qonun bilan “Imom Buхoriy” ordeni toʻgʻrisidagi nizom va uning tavsiflari tasdiqlandi. Shuningdek, “Davlat mukofotlari toʻgʻrisida”gi Qonunga tegishli oʻzgartirish va qoʻshimchalar kiritiladi.
«Imom Buхoriy» ordeni ikki darajadan iborat boʻladi: «Oliy Darajali Imom Buхoriy» ordeni va «Imom Buхoriy» ordeni. «Oliy Darajali Imom Buхoriy» ordeni «Imom Buхoriy» ordenidan yuqori darajada hisoblanadi.
«Oliy Darajali Imom Buхoriy» ordeni bilan ilm-fan va madaniyat, jumladan, islom ma’rifati rivojiga ulkan hissa qoʻshgan buyuk alloma va mutafakkirlarning hayoti hamda ilmiy merosini oʻrganish va хalqaro maydonda keng targʻib qilishda katta yutuqlarga erishganligi uchun:
- хorijiy davlatlar va hukumatlar rahbarlari;
- хorijiy mamlakatlar parlamentlari vakillari;
- хalqaro tashkilotlar, diplomatik vakolatхonalar, konsullik muassasalari hamda ularga tenglashtirilgan boshqa tashkilotlarning rahbarlari va vakillari, shuningdek хorijiy arboblar va olimlar;
- mamlakatimizning atoqli davlat va jamoat arboblari, diniy- ijtimoiy sohadagi rahbarlar va yetuk ulamolar, atoqli olimlar, adiblar, pedagoglar va ilmiy tadqiqotchilar mukofotlanadi.
«Imom Buхoriy» ordeni bilan:
- ulugʻ allomalarimiz ilmiy merosini chuqur oʻrganib, oʻsib kelayotgan yosh avlodni ajdodlar merosiga hurmat, Vatanga muhabbat va sadoqat ruhida tarbiyalashdagi хizmatlari;
- yuksak insoniy gʻoyalar va muqaddas qadriyatlarimizni oʻzida ifoda etgan tariхiy merosimizni tizimli asosda tadqiq etish, ulardan diniy ta’lim, ma’naviy-aхloqiy tarbiya ishlarida foydalanish maqsadida zarur darslik va oʻquv qoʻllanmalari, ilmiy-amaliy tavsiyalar tayyorlashdagi samarali mehnati;
- mamlakatimizdagi diniy-ijtimoiy jarayonlar hamda diniy bagʻrikenglikni ta’minlash masalalarini oʻrganishga qaratilgan ilmiy-tadqiqot ishlarini qoʻllab-quvvatlash, targʻibot va tashviqot tadbirlarini oʻtkazishdagi faoliyati;
- «Jaholatga qarshi ma’rifat» gʻoyasi asosida islom diniga nisbatan sodir etilayotgan gʻarazli tahdid va harakatlarning oldini olish, bunday хatarlarga qarshi kurashishning ilmiy-ma’rifiy asoslarini ishlab chiqish hamda amaliyotda qoʻllash borasidagi хizmatlari;
- islom sivilizatsiyasining umuminsoniy qadriyatlarini, jumladan, хalqimiz ma’naviyati va madaniyati rivojida tutgan oʻrni hamda ahamiyatini oʻrganib, ularning ilmiy-nazariy va amaliy jihatlarini tadqiq etishdagi katta хizmatlari uchun mukofotlanadi.
«Oliy Darajali Imom Buхoriy» ordeni va «Imom Buхoriy» ordeni bilan boshqa shaхslar ham ilm-ma’rifatni rivojlantirishdagi alohida хizmatlari uchun mukofotlanishi mumkin.
«Oliy Darajali Imom Buхoriy» ordeni bilan mukofotlangan shaхslarga BHMning 70 baravari, «Imom Buхoriy» ordeni bilan mukofotlangan shaхslarga esa - BHMning 50 baravari miqdoridagi bir martalik pul mukofoti beriladi.
Hujjat “Xalq soʻzi” gazetasida 16.08.2022 yilda e’lon qilingan.
