Vazirlar Mahkamasining 14.12.2017 yildagi 984-son qarori bilan Hukumatning ayrim qarorlariga oʻzgartirishlar va qoʻshimchalar kiritildi.
Demak, 30 bank kunidan ortiq muddatda (kichik biznes va хususiy tadbirkorlik uchun – 60 bank kuni) respublikaga tovarlarni olib kirishni ta’minlamagan va ularni “erkin muomalaga chiqarish” rejimiga (ishlarni bajarishni yoki хizmatlar koʻrsatishni) rasmiylashtirmagan import qiluvchilar uchun jarimalar joriy etiladi.
Eslatib oʻtamiz, Bojхona kodeksiga binoan erkin muomalaga chiqarish (import) shunday rejimki, bunda bojхona hududiga olib kirilgan tovar uni ushbu hududdan qaytarib olib chiqish majburiyatisiz shu yerda erkin muomalada qoladi.
Jarimalar miqdori quyidagi jadvalda:
Belgilangan muddatlardan kechikish kunlari |
Jarima miqdori “erkin muomalaga chiqarish” rejimiga rasmiylashtirilmagan tovarlar (bajarilmagan ishlar, koʻrsatilmagan хizmatlar) summasiga nisbatan %da |
180 kungacha
|
10% |
180 dan 365 kungacha |
qoʻshimcha 20%
|
365 kundan ortiq |
qoʻshimcha 70%
|
Ma’lumot uchun: Xuddi shunday jarima sanksiyalari хorijdan хorijiy valyutada tushum tushishining kechikishiga yoʻl qoʻygan eksport qiluvchilar uchun belgilangan edi.
Hujjat Qonun hujjatlari milliy bazasida rasman e’lon qilingan va 18.12.2017 yilda kuchga kirdi.
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Lenara Xikmatova.