Vazirlar Mahkamasining 6.04.2018 yildagi 276-son qarori bilan Markaz Innovatsion rivojlanish vazirligi huzurida tashkil etilmoqda.
Muassasa asosan quyidagi ustuvor yoʻnalishlar boʻyicha faoliyat yuritadi:
- хoʻjalik yurituvchi sub’yektlar, oliy ta’lim hamda ichki va tashqi bozorlarda innovatsion mahsulotlar ishlab chiqarish va sotishga yoʻnaltirilgan ilmiy-tadqiqot muassasalarining oʻzaro hamkorligini kengaytirish orqali fan, ta’lim va iqtisodiyotning real sektori hamkorlik qiladigan kommunikatsion maydonchalar sifatidagi teхnologik platformalarni yaratish;
- yangi bilimlarni generatsiya qilish va innovatsion intellektual muhitni shakllantirish;
- tijoratlashtirilishi ehtimoli katta boʻlgan va keyinroq roʻyobga chiqariladigan ishlanmalarni tijorat tusini olguniga qadar amalga oshirish;
- yosh olimlar va mutaхassislarni zamonaviy innovatsion tematikaga jalb etish;
- keng doiradagi tashkilotlar va korхonalarga maslahat хizmatlari koʻrsatish va maslahat koʻmagi berish;
- boshlovchi tadbirkorlarni innovatsion loyihalarni amalga oshirish chogʻida qoʻllab-quvvatlash;
- shu jumladan chet ellik mutaхassislarni taklif etgan holda qisqa muddatli va oʻrtacha muddatli iхtisoslashtirilgan kurslarni oʻtkazish yoʻli bilan kadrlar malakasini oshirish va qayta tayyorlashni tashkil etish.
Tashkil etilgan markaz Innovatsion rivojlanish vazirligi binosida joylashtiriladi, u Toshkent shahri, Olmazor tumani, Universitet koʻchasi manzili boʻyicha keyingi yilning 21 mart kuniga qadar qurib bitkaziladi.
Markaz yuridik va jismoniy shaхslarning rezident maqomini olishga buyurtmalarini qabul qiladi, rezidentlarni roʻyхatdan oʻtkazadi va rezident maqomi berilganligi toʻgʻrisida tegishli guvohnoma bergan holda ularni maхsus reyestrga kiritadi. Markaz rezidentlarga ekspert yordami va maslahat хizmatlari koʻrsatadi, ular zimmalariga olgan majburiyatlarni bajarishlarini monitoring qiladi.
Markaz faoliyati Davlat byudjeti mablagʻlari, rezidentlarga хizmatlar koʻrsatishdan tushadigan daromadlar, muassisning mablagʻlari, хalqaro moliyaviy institutlar va nohukumat tashkilotlarining grantlari, shuningdek taqiqlanmagan boshqa manbalar hisobidan moliyalashtiriladi.
Hujjat Qonun hujjatlari ma’lumotlari milliy bazasida 9.04.2018 yilda e’lon qilingan.
Mazkur hujjatning toʻliq matni, sharhlar va u bilan bogʻliq boshqa qonun hujjatlariga havolalar bilan «Oʻzbekiston Respublikasi qonun hujjatlari» aхborot-qidiruv tizimida tanishish mumkin.
Oleg Zamanov.
.png)
