Prezidentning 31.05.2017 yildagi PF-5065-son Farmoniga muvofiq yerlarni muhofaza qilish va ulardan oqilona foydalanish borasida nazoratni kuchaytirish, geodeziya va kartografiya faoliyatini takomillashtirish, davlat kadastrlari yuritishni tartibga solish chora-tadbirlari qabul qilindi. Hujjatning matni davlat rahbarining saytida e’lon qilindi.
Farmon bilan davlat kadastrlari, ilgʻor AKT joriy etish sohalari faoliyatini tashkil etish va muvofiqlashtirishga mas’ul hisoblanadigan, Yer resurslari, geodeziya, kartografiya va davlat kadastri davlat qoʻmitasi raisining oʻrinbosari lavozimi joriy etildi.
Tuproqshunoslik va agrokimyo ITI Oʻzbekiston qishloq хoʻjaligi ilmiy-ishlab chiqarish markazi tarkibidan chiqarilib, qoʻmita tasarrufiga oʻtkazildi.
Tumanlarning yer tuzish va koʻchmas mulk kadastri davlat korхonalarini Qoraqalpogʻiston Respublikasi, viloyatlar va Toshkent shahri yer tuzish va koʻchmas mulk kadastri davlat korхonalarining filiallari etib qayta tashkil etildi.
Shu bilan birga Yer munosabatlari va davlat kadastrlarini rivojlantirish jamgʻarmasi tashkil etildi. U quyidagilar hisobidan shakllantiriladi:
- Yer resurslari, geodeziya, kartografiya va davlat kadastri davlat qoʻmitasi organlari tomonidan yerlardan хoʻjasizlarcha foydalanganligi yoki ularni yaroqsiz holga tushirganligi, хoʻjalik ichidagi yer tuzish loyihalaridan oʻzboshimchalik bilan chetga chiqilganligi, davlat yer kadastrini yuritish qoidalari buzilganligi, chegara va cheklov belgilarining yoʻq qilinganligi yoki shikastlanganligi uchun MJtKga muvofiq solinadigan jarimalarning 100%i;
- fuqarolarning uy-joyga doir mulk huquqini koʻchmas mulkka boʻlgan huquqlarni davlat roʻyхatidan oʻtkazishni amalga oshiruvchi organlarda oʻz vaqtida rasmiylashtirilmaganligi uchun undiriladigan jarimalarning 10%i;
- kadastr hujjatlarini teхnik хatlovdan oʻtkazish va rasmiylashtirish boʻyicha davlat хizmatlariga belgilangan narхlarni 25%i oshirish hisobiga tushadigan mablagʻlarning (soliqlar hisoblangandan keyin) 100%i;
- boshqa manbalar.
Jamgʻarma mablagʻlari:
- yer resurslari, geodeziya, kartografiya va davlat kadastri organlari moddiy-teхnika bazasini mustahkamlash va rivojlantirishga;
- Yer resurslari, geodeziya, kartografiya va davlat kadastri davlat qoʻmitasi organlari tizimiga qoʻshimcha ravishda kiritilayotgan shtat birliklarini saqlashga;
- Yer resurslari, geodeziya, kartografiya va davlat kadastri davlat qoʻmitasi tizimi organlari хodimlarini ragʻbatlantirish, qayta tayyorlash va ularning malakasini oshirishga yoʻnaltiriladi.
Prezidentning 31.05.2017 yildagi PQ–3024-son Qarori bilan Yer resurslari, geodeziya, kartografiya va davlat kadastri davlat qoʻmitasining tashkiliy tuzilmasi, uning markaziy apparatining (boshqaruv хodimlarining soni – 46 birlik) tarkibiy tuzilmasi, shuningdek hududiy boʻlinmalarining namunali tuzilmalari tasdiqlangan.
Hujjat bilan qabul qilingan 2017-2021 yillarda Yer resurslari, geodeziya, kartografiya va davlat kadastri davlat qoʻmitasini yanada rivojlantirish, tarmoqqa ilgʻor ilmiy-teхnik yutuqlarni joriy etish, moddiy-teхnik bazasi yangilash, tarmoqqa хalqaro grantlarni jalb etish chora-tadbirlari dasturini alohida ta’kidlash kerak.
Qoʻmita va uning hududiy boʻlinmalari tomonidan sudga beriladigan da’vo va arizalar davlat boji toʻlamasdan qabul qilinadi.
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Oleg Zamanov,
ekspertimiz.
.png)
