Қонунчиликдаги янгиликлар

ЎРҚ-1160-сон Қонун маданий меросни муҳофаза қилиш ва ундан фойдаланиш соҳасида давлат бошқаруви тизимини мустаҳкамлайди. Ҳужжат давлат органларининг ваколатларини чегаралайди, маданий бойликлар муомаласи ва реализацияси учун янги тартибларни жорий этади, шунингдек, археологик объектларни тадқиқ қилиш қоидаларини мустаҳкамлайди.

Давлат органларининг ноқонуний ҳаракатларидан жабрланган фуқаролар ва юридик шахсларга етказилган зарарни қоплашнинг ягона қоидаларини белгиловчи қонун қабул қилинди. Ҳужжатда ҳудудий компенсация жамғармаларини ташкил этиш назарда тутилган ҳамда компенсацияларни тўлаш ва ундириш механизмлари белгиланган.

Коррупцияга қарши миллий сертификатлаштириш тартиби тасдиқланди. У давлат тузилмалари ва давлат улушига эга тижорат компаниялари фаолиятини баҳолаш босқичларини белгилайди. Тизим давлат органлари фаолиятининг шаффофлиги ва самарадорлигини оширишга ёрдам беради.

Унинг фаолиятига замонавий технологиялар ва реал вақт режимида прогнозлаш тизимлари жорий этилади. Ушбу қадамлар қайта тикланадиган энергия манбаларини интеграция қилиш ва мамлакатнинг энергия хавфсизлигини мустаҳкамлашга қаратилган.

2026−2027 йилларда паррандачиликка оид янги лойиҳалар ва "тайёр бизнес" дастурларини имтиёзли кредитлаш учун "Микрокредитбанк" АТБ орқали 105 млн доллар эквивалентида маблағ йўналтирилади ҳамда кредитлар узоқ муддатли ва имтиёзли давр билан йиллик 10 фоиз ставкада берилади.

Аҳолини ижтимоий қўллаб-қувватлаш тизимини комплекс тартибга солувчи "Ижтимоий иш тўғрисида"ги Қонун қабул қилинди. Ҳужжат профессионал ижтимоий ходимлар институтини жорий этади, ижтимоий хизматлар кўрсатишнинг ягона тартибини мустаҳкамлайди ҳамда фуқаролар ва оилаларнинг муҳтожлигини баҳолашга индивидуал ёндашувни назарда тутади.

Қўмитага сунъий интеллект технологиялари имкониятларидан фойдаланган ҳолда хавфларни бошқариш ва хавф таҳлилига асосланган самарали назоратни ташкил этишни назарда тутувчи ягона автоматлаштирилган ахборот платформасини ишга тушириш вазифаси қўйилди.

Парламентлараро иттифоқ билан ҳамкорликда Самарқандда ўтказиладиган халқаро тадбирларга тайёргарлик бошланди. 2026 йил сентябрь ойида шаҳар Барқарор ривожланиш мақсадларига эришишда парламентлараро ҳамкорлик бўйича III Глобал форумга ҳам мезбонлик қилади.

"Шарқ тароналари" халқаро мусиқа фестивали 2027 йилдан бошлаб ҳар икки йилда бир марта ўтказилади. Йирик маданий тадбирларга тайёргарлик кўриш учун божхона имтиёзлари жорий этилиб, зарур ускуналарни олиб кириш соддалаштирилмоқда.

Ушбу чора Президент, ижод ва ихтисослаштирилган мактаблар тармоғини кенгайтириш ҳамда уларнинг иқтидорли ёшларни аниқлаш, танлаш, ўқитиш ва тарбиялаш тизимини такомиллаштириш бўйича фаолиятини давом эттириши учун янада қулай шарт-шароитлар яратишга қаратилган.

2027 йилдан бошлаб мамлакатнинг етакчи олий таълим муассасаларида интеграциялашган дастурлар босқичма-босқич жорий этилади, техникум битирувчилари эса халқаро олий таълим муассасаларида ўқишни имтиҳонсиз давом эттиришлари мумкин бўлади.

Бир қатор қонун ҳужжатларига солиқ имтиёзлари бериш соҳасида электрон шаклдаги давлат хизматлари сонини кўпайтирадиган ўзгартиришлар киритилди.

Махсус омборлар ва рақамли майдончалар фаолияти учун янги стандартлар жорий этилмоқда, бу эса импорт товарларини электрон хизматлар орқали янада шаффоф ва хавфсиз сотиш учун шароит яратади.

Хорижий кинокомпаниялар Ўзбекистонда фильмларни суратга олиш харажатларининг бир қисмини қоплаши, шунингдек, республиканинг туристик жозибадорлиги, тарихий-маданий мероси ва бошқа муҳим ижобий жиҳатларини намойиш қилувчи қисмини яратганлик учун ҳақ олиши мумкин бўлади.

2028 йил якунига қадар давлат органларининг камида 5 мингта маъмурий функциясини рақамлаштириш, давлат ахборот тизимларига доир харажатларни камида 30 фоизга қисқартириш, 2030 йилга келиб эса ЯИДХПда сунъий интеллект технологияларидан фойдаланган ҳолда кўрсатиладиган давлат хизматлари улушини 10 фоизга етказиш режалаштирилмоқда.

2026 йил ҳосилидан бошлаб юридик шахс мақомига эга қишлоқ хўжалиги ташкилотлари "Рақамли қишлоқ хўжалиги" платформасига режалаштирилаётган ишлари тўғрисидаги маълумотларни мустақил равишда жойлаштиради, ижара шартномаларига ўзгартиришлар киритиш, агротадбирларни назорат қилиш ва кредитлардан фойдаланиш мониторинги Агропортал орқали амалга оширилади.

ЯИДХПда мулкий ҳуқуқларни расмийлаштириш соддалаштирилади, проактив хизматлар кенгайтирилади ва фуқароларни кераксиз рекламалардан ҳимоя қилиш кучайтирилади. Хусусан, мол-мулк билан боғлиқ битимларга қўйилган тақиқларни масофадан бошқариш, ўз номига расмийлаштирилган банк карталари, телефон рақамлари ва нотариал ҳаракатларни кузатиш имконияти пайдо бўлади.

Хорижга кўчиб ўтишда тўлиқ муомала лаёқатини тан олиш ва таълим муассасаларидан четлаштириш хизматлари ЯИДХП, давлат хизматлари марказлари ва "Инсон" ижтимоий хизматлар марказлари орқали бепул кўрсатилади.

Ҳужжат минтақада молиявий ва инвестиция муҳитини ривожлантиришда асосий бўғинга айланадиган Тошкент халқаро молия маркази (ТХММ) иштирокчилари учун алоҳида ҳуқуқий режим, имтиёзлар ва халқаро стандартларни жорий этади.

Ишлаб чиқарувчиларни қўллаб-қувватлаш ҳамда миллий брендларни ички ва ташқи бозорларда илгари суришга қаратилган географик кўрсаткичлар тизимини ривожлантириш чора-тадбирлари тасдиқланди.