Vazirlar Mahkamasining 2.10.2017 yildagi 785-son qarori bilan Kichik tadbirkorlik sub’yektlariga tegishli boʻlgan tashkilotlar tasnifiga oʻzgartirishlar va qoʻshimchalar kiritildi.
08.12 «Ochiq shagʻal va qum konlarini ishlash, tuproq va kaolin qazib olish» sinfiga quyidagi kichik sinflar kiritildi:
- 08.12.0 «Ochiq shagʻal va qum konlarini ishlash»;
- 08.12.1 «Tuproq va kaolin qazib olish»[1];
- 08.12.2 «Kaolin va boshqa kaolin tuproqlarni toʻyintirish va shunday birlamchi qayta ishlash»;
- 08.12.9 «Boshqa toifalarga kiritilmagan boshqa konlarni ishlash».
Avval 08.12 sinfi ochiq shagʻal va qum konlarini ishlash hamda faqat tuproq va kaolin qazib olishni birlashtiradigan (08.12.0) kichik sinfdan iborat edi. Shu tariqa, mazkur faoliyat turi aniqlashtirildi va kengaytirildi.
Koʻrsatilgan yoʻnalishlar boʻyicha faoliyatni amalga oshiradigan mikrofirmalar хodimlarining oʻrtacha yillik soni 1–20 nafarni, kichik korхonalarda – 21 nafardan 50 nafargachani tashkil etadi.
Hujjat Qonun hujjatlari ma’lumotlari milliy bazasida rasman e’lon qilingan va 4.10.2017 yilda kuchga kirdi.
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan yaqin kunlarda «Oʻzbekiston Respublikasi qonunchiligi» aхborot-qidiruv tizimida tanishish mumkin.
Oleg Zamanov,
[1] Kaolin – yuqori oʻtga chidamliligi, past darajada qayishqoqligi va bogʻlash qobiliyati bilan ajralib turadigan oq rangli tuproq.
