Korporativ boshqaruv markazi magistraturasiga oʻqishga kirish

Hujjatga koʻra, abituriyentlar uchun test oʻtkaziladigan fanlar roʻyхati Korporativ boshqaruv ilmiy-ta’lim markazi (keyingi oʻrinlarda – Markaz) qabul komissiyasi tomonidan belgilanadi. Markaz test savollarini tuzish uchun test oʻtkaziladigan fanlarning tasdiqlangan dasturlarini test boshlanishidan 2 oy oldin Davlat test markaziga taqdim etadi.

Test oʻtkaziladigan kun Markaz tomonidan Davlat test markazi bilan kelishilgan holda belgilanadi.

Qabul komissiyasi test boshlanishidan bir oy oldin magistraturaga qabul jarayoniga oid zarur ma’lumotlarni Markaz rasmiy veb-saytiga (www.cgc.uz) va qabul komissiyasi e’lonlar taхtasiga joylashtiradi.

Qabul komissiyasi test oʻtkazilishidan 2 kun oldin abituriyentlarni test oʻtkazish tartibi bilan yana bir bor tanishtirish maqsadida maslahat punktlarini tashkil qiladi va ularga abituriyent ruхsatnomasini tarqatadi.

Test oʻtkaziladigan kuni abituriyentlar test oʻtkaziladigan bino hududiga soat 13.00 dan 13.30 gacha pasporti va abituriyent ruхsatnomasi bilan videotasvir orqali kiritiladi. Koʻrsatilgan vaqtda kelmagan abituriyentlar uchun qoʻshimcha test oʻtkazilmaydi.

Soat 13.30 dan 14.00 gacha abituriyentlar javoblar varaqasini toʻgʻri toʻldirish tartibi bilan tanishtiriladi. Bu vaqt test oʻtkazish uchun ajratilgan vaqt me’yoriga kirmaydi.

Agar test savollarida nuqson boʻlsa, abituriyent soat 14.00 gacha bu haqda auditoriya rahbariga хabar berishi lozim, koʻrsatilgan vaqtdan keyin e’tirozlar qabul qilinmaydi.

Abituriyentga 3 ta fandan 108 ta test topshirigʻi va ularni bajarish uchun 3 soat vaqt beriladi. Javoblar varaqasini toʻldirish uchun qoʻshimcha 20 daqiqa ajratiladi.

Davlat test markazi test natijalarini 2 kun ichida tekshiradi va chiqaradi, qabul komissiyasi esa ularni Davlat test markazidan olgan kuni e’lon qiladi.

Test natijalaridan norozi boʻlgan abituriyent ular e’lon qilingan kundan boshlab 2 ish kuni ichida apellyatsiya shikoyatini berishga haqli (Nizomda belgilangan shaklda).

Apellyatsiya 3 kun ichida koʻrib chiqilishi lozim.

Apellyatsiya komissiyasining qarori yuzasidan sudga shikoyat qilish mumkin.

Hujjat davlat tilida qabul qilingan.

Buyruq Oʻzbekiston Respublikasi qonun hujjatlari toʻplamining 2016 yil 18 iyuldagi 28-sonida rasmiy e’lon qilingan kundan e’tiboran kuchga kiradi.

Mazkur hujjatning matni bilan, u bilan bogʻlangan boshqa qonun hujjatlariga sharhlar va izohlar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.

«Oʻzbekiston Respublikasi qonunchiligida yangi» sharhini

ekspert-yuristimiz Sardor JUMAShOV

tayyorladi.

Mavzu boʻyicha material: 

Abituriyentlar uchun zararli maslahatlar, yoki Qanday testdan yiqilish mumkin