Istiqbolli loyihalar milliy agentligi, Iqtisodiyot va moliya vazirligi hamda Soliq qoʻmitasining “Kripto-aktivlar aylanmasi sohasidagi faoliyatni amalga oshirish uchun yigʻimlar miqdorini belgilash, ularni toʻlash va taqsimlash tartibi toʻgʻrisidagi Nizomning 2-bandiga oʻzgartirishlar kiritish haqida”gi qoʻshma qarori qabul qilindi (19.03.2024 y. AV roʻyхat raqami 3388-1-son).
Xususan, kripto-birja faoliyati uchun yigʻim miqdori deyarli ikki baravarga oshirilmoqda va BHMning 740 baravari miqdorida belgilanmoqda (251,6 mln soʻm).
Kripto-doʻkon faoliyati uchun yigʻim 9 baravarga oshirilmoqda va BHMning 185 baravari miqdorida belgilanmoqda (62,9 mln soʻm).
Hujjat Qonun hujjatlari ma’lumotlari milliy bazasida e’lon qilingan va 20.06.2024 yildan kuchga kiradi.
Sobir Nurberdiyev
