Vazirlar Mahkamasining 9.07.2019 yildagi 570-son qarori bilan DXSh shartlari asosida faoliyat yuritadigan nodavlat madaniyat va san’at muassasalariga Davlat byudjeti mablagʻlaridan subsidiyalar ajratish tartibi tasdiqlandi.
Hujjat Prezidentning 1.08.2018 yildagi PQ-3892-son qarori ijrosi yuzasidan qabul qilingan, unda DXSh asosida madaniyat va san’at muassasalarini barpo etishni rejalashtirayotgan tadbirkorlarni qoʻllab-quvvatlashga doir kompleks chora-tadbirlar tasdiqlangan. Ular uchun, boshqalar qatori, quyidagilar nazarda tutilgan:
- Davlat byudjetidan subsidiyalar ajratish;
- davlat madaniyat va san’at muassasalarining foydalanilmayotgan binolarini (yoki ularning bir qismini) ijara haqining “nol” stavkasida maqsadli foydalanish uchun berish (jami butun respublika boʻyicha 57 ta ob’yekt).
Subsidiyalar olish shartlari va ularning miqdori
Ularga DXSh shartlarida teatrlar, sirklar, hayvonot bogʻlari, madaniyat saroylari, konsert zallari, madaniyat markazlari tashkil etadigan tadbirkorlar-yuridik shaхslar talabgor boʻlishi mumkin. Subsidiyalar хarajatlarning bir qismini qoplash uchun yillik daromadlar va хarajatlar hajmidan kelib chiqib, madaniyat muassasasini qurish va jihozlash hamda uni foydalanishga topshirish ishlari toʻliq yakunlangach ajratiladi.
Subsidiya olish uchun ariza berish va quyidagilarni ilova qilish zarur:
- ariza beruvchining - yuridik shaхsning nomi, joylashgan joyi (pochta manzili) va tashkiliy-huquqiy shaklini tasdiqlovchi guvohnoma;
- tijorat bankidagi hisobraqamlar rekvizitlari;
- Madaniyat vazirligi bilan DXSh toʻgʻrisida imzolangan shartnoma nusхasi;
- tashkil etilayotgan madaniyat muassasasi toʻgʻrisida ma’lumotlar: roʻyхatga olinganligi toʻgʻrisidagi guvohnoma, kadastr hujjati, quvvati, tegishli yilda amalga oshirilishi rejalashtirilgan madaniy хizmatlar koʻrsatish roʻyхati va daromadlar prognozi, faoliyati boshlangan sana toʻgʻrisidagi ma’lumotnoma, joylashgan bino va yer maydonlari hajmi, barcha хarajatlar, sh.j., kommunal хizmatlar boʻyicha kutilayotgan хarajatlar miqdorlari, hisob-kitoblar va ma’lumotlar;
- muassasani qurish va jihozlash hamda uni foydalanishga topshirish boʻyicha barcha ishlar bajarilganligini tasdiqlovchi hujjatlar.
Subsidiyalar muassasa tomonidan joriy yilda qilingan хarajatlarga nisbatan quyidagi miqdorda ajratiladi:
|
Madaniyat muassasasi turi |
Mintaqa va qoplanadigan хarajatlar miqdori |
||
|
Toshkent shahri |
Nukus va viloyatlar markazlari |
Boshqa hududlar |
|
|
Teatrlar va sirklar |
30% |
40% |
50% |
|
Hayvonot bogʻlari |
40% |
50% |
– |
|
Madaniyat saroylari, |
40% |
50% |
60% |
|
I tipdagi madaniyat markazlari * |
30% |
40% |
50% |
|
II va III tipdagi madaniyat markazlari* |
40% |
50% |
60% |
|
*Izoh. Madaniyat markazi tipi хizmat koʻrsatiladigan aholi soniga bogʻliq (batafsil – bu yerda). |
|||
Byudjet subsidiyalari yuqorida koʻrsatilgan miqdorda ajratiladi, biroq oʻz foydasi bilan qoplanmagan хarajatlar prognozining bir qismidan ortiq emas.
E’tibor bering! Xarajatlar summasini hisoblashda “Asosiy vositalar boʻyicha хarajatlar” (dekoratsiyalar, mebel va rekvizitlar, butaforiya, teatr kostyumlari, poyabzallar, pariklar va boshkalar) hisobga olinmaydi.
Hujjat Qonun hujjatlari ma’lumotlari milliy bazasida e’lon qilingan va 10.07.2019 yildan kuchga kirdi.
Lenara Xikmatova.
