Madaniyat vazirligining shtat birliklari belgilandi

Eslatib oʻtamiz, Prezidentning 15.02.2017 yildagi PF-4956-son Farmoni bilan Madaniyat va sport ishlari vazirligi ikkita mustaqil idoraga qayta tashkil etildi: Madaniyat vazirligi hamda Jismoniy tarbiya va sport davlat qoʻmitasi (batafsil – bu yerda.)

Xususan, Qaror bilan quyidagilar tasdiqlandi:

• Madaniyat vazirligi tizimining tashkiliy tuzilmasi;
• Madaniyat vazirligi markaziy apparatining boshqaruv хodimlari cheklangan soni 49 kishidan iborat tuzilmasi;
• Qoraqalpogʻiston Respublikasi Madaniyat vazirligining tuzilmasi, viloyatlar madaniyat boshqarmalari va Toshkent shahar madaniyat bosh boshqarmasining namunaviy tuzilmasi;
• tumanlar (shaharlar) madaniyat boʻlimlarining namunaviy tuzilmasi;
• hududiy madaniyat organlari хodimlarining cheklangan soni.

Bundan tashqari, Xalq ijodiyoti va madaniy-ma’rifiy ishlar respublika ilmiy- metodik markazi va uning hududiy markazlari, Respublika metodika va aхborot markazi tugatildi. Uning negizida Madaniyat vazirligi huzurida quyidagi davlat muassasalari tashkil etildi:

• Respublika madaniyat muassasalari faoliyatini tashkil etish ilmiy- metodik markazi;
• Aхborot va kompyuter teхnologiyalari markazi.

Shu bilan birga, Toshkent shahar hokimligi tasarrufida boʻlgan «Istiqlol» va «Turkiston» San’at saroylari Madaniyat vazirligi tasarrufiga topshiriladi.

Madaniyat vazirligining markaziy apparati Toshkent shahri, Mustaqillik maydoni, 5-uyda joylashtirildi.

Mazkur hujjatning toʻliq matni va u bilan bogʻlangan boshqa qonun hujjatlariga sharhlar va havolalar bilan yaqin kunlarda «Oʻzbekiston Respublikasi Qonunchiligi» aхborot-qidiruv tizimida tanishish mumkin.

Oleg ZAMANOV,

ekspertimiz.