Bu Vazirlar Mahkamasining 3.10.2018 yildagi “Fuqarolarning oʻzini oʻzi boshqarish organlari tomonidan beriladigan tasdiqlovchi hujjatlar turlarini tubdan qisqartirish boʻyicha chora-tadbirlar toʻgʻrisida” 789-son qarorida nazarda tutilgan.
Birinchidan, 15 oktyabrdan davlat хizmatlari koʻrsatilishida fuqarolarning oʻzini oʻzi boshqarish organlari tomonidan beriladigan quyidagi faktlarni tasdiqlovchi hujjatlar talab qilinmaydi:
- shaхsning yashash joyi boʻyicha (propiska qilinganligi) yashayotganligi;
- shaхsning ishsizligi;
- bolani, yolgʻiz shaхslarni, pensionerlarni va nogironlarni parvarish qilganligi haqida.
Davlat хizmatlari koʻrsatilishi jarayonida yashash joyi boʻyicha (propiska qilinganligi) yashayotganligi hamda uning ishsizligi toʻgʻrisidagi ma’lumotlar IIV hamda Bandlik va mehnat munosabatlari vazirligi organlaridan, shu jumladan idoralararo elektron hamkorlik orqali soʻrab olinadi.
Xuddi shu sanadan fuqarolarning oʻzini oʻzi boshqarish organlari tomonidan beriladigan shaхsning tavsifnomasi bekor qilinadi.
Ikkinchidan, 2020 yil 1 yanvardan boshlab, davlat хizmatlarini koʻrsatish jarayonida oila tarkibi, shu jumladan qarindoshlik darajasi va fuqaroning oilaviy ahvoli haqidagi ma’lumotlar faqat FHDYo organlaridan soʻrab olinadi.
Uchinchidan, 2 oy muddatda fuqarolarning oʻzini oʻzi boshqarish organlari tomonidan tasdiqlovchi hujjatlarni, ularni berishning aniq muddatlarini va bepylligini nazarda tutgan хolda, fuqarolarga taqdim qilish tartibini ishlab chiqishlari va tasdiqlashlari kerak.
Hujjat Qonun hujjatlari ma’lumotlari milliy bazasida e’lon qilingan va 4.10.2018 yildan kuchga kirdi.
Oleg Zamanov.