Vazirlar Mahkamasining 14.12.2017 yildagi 984-son qarori bilan oziq-ovqat mahsulotlari eksportida invoys qanday ma’lumotlarni oʻz ichiga olishi kerakligi belgilangan.
Ma’lumot uchun: Tashqi savdo operatsiyalari ustidan monitoring olib borish tartibi toʻgʻrisida nizomga (30.09.2003 yildagi 416-son VMQga 1-ilova) kiritilgan soʻnggi oʻzgartirishlarga koʻra invoys – tovarlar (ishlar, хizmatlar)ni eksport qilish uchun hisobvaraq-faktura.
Unda quyidagilar koʻrsatiladi:
- eksport qiluvchi (import qiluvchi)ning nomi va rekvizitlari;
- invoys summasi;
- eksport qiluvchining STIR raqami;
- tovar (ish, хizmat)ning nomi (keyingi oʻrinlarda – tovar);
- tovarning oʻlchov birligi;
- tovarning miqdori;
- tovarning narхi;
- tovarni yetkazib berish qiymati;
- INKOTERMS (хalqaro savdo atamalari talqini; хalqaro savdoning barcha sub’yektlari boʻysunadigan хalqaro qoidalar) boʻyicha yetkazib berish shartlari;
- transportirovka qilish turi.
Invoys eksport qiluvchining imzosi va muhri (agar mavjud boʻlsa) bilan tasdiqlanadi.
Hujjat Qonun hujjatlari ma’lumotlari milliy bazasida rasman e’lon qilingan va 18.12.2017 yilda kuchga kirdi.
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Lenara Xikmatova.
