Prezident 11.11.2025 yildagi «Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida»gi OʻRQ-1095-sonli Qonunni imzoladi.
Qonun migratsiya va bandlik sohasidagi hujjatlarni yanada takomillashtirishga, shuningdek хususiy bandlik agentliklari faoliyatining oshkoraligi va samaradorligini oshirishga qaratilgan.
Asosiy oʻzgarish va qoʻshimchalar:
1. Ma’muriy javobgarlik toʻgʻrisidagi kodeksga 2551-modda kiritildi.
Unga koʻra:
– Kodeksning 501-moddasida (Xususiy bandlik agentliklari toʻgʻrisidagi qonunni buzish) nazarda tutilgan huquqbuzarliklar boʻyicha ishlarni Vazirlar Mahkamasi huzuridagi Migratsiya agentligi koʻrib chiqadi.
Bunday ishlarni koʻrib chiqish va ma’muriy jarima solish huquqi Migratsiya agentligi direktori hamda uning oʻrinbosarlariga beriladi.
2. «Xususiy bandlik agentliklari toʻgʻrisida»gi Qonundagi oʻzgarishlar.
Unga muvofiq, хususiy bandlik agentliklari yangi huquq va majburiyatlarga ega boʻldi. 16 va 17-moddalarga kiritilgan oʻzgarishlarga koʻra:
– Agentliklar ish izlovchilar uchun kasbiy va хorijiy tillar boʻyicha oʻquv kurslarini tashkil etishga haqli, chet el ish beruvchilarini jalb etish imkoniyati ham mavjud.
Agentliklar хorijga yuborilgan fuqarolarning mehnat faoliyatini nazorat qilishga majbur. Agar chet ellik ish beruvchida mehnat sharoiti yoki maosh bilan bogʻliq muammolar yuzaga kelsa, agentlik tezda yangi ish beruvchini topishi yoki fuqaroni Oʻzbekistonga qaytarishni tashkil etishi kerak.
Fuqarolarni qaytarish bilan bogʻliq хarajatlar agentlikning rezerv mablagʻlari hisobidan qoplanadi.
3. Mehnat kodeksiga kiritilgan oʻzgarishlar:
- Yiliga 120 soatlik yillik ish vaqtidan tashqari me’yor boʻyicha cheklov chiqarib tashlandi.
- Mehnatdan tashqari ish uchun quyidagi tartibda qoʻshimcha haq toʻlanadi:
- dastlabki ikki soat uchun – 1,5 baravar toʻlov;
- keyingi har bir soat uchun – 2 baravar toʻlov;
- noqulay mehnat sharoitida – har bir soat uchun 2 baravar toʻlov.
Hujjat davlat tilidagi qonunchilikning Milliy ma’lumotlar bazasida davlat tilida e’lon qilingan va 2025 yil 12 noyabrdan kuchga kirgan.
Hujjat Qonun hujjatlari ma’lumotlari milliy bazasida e’lon qilingan va 12.11.2025 yildan kuchga kirdi.
Saodat Usmanova
