Ularni berish shartlari va tartibi Vazirlar Mahkamasining 2019 yil 17 iyuldagi 596-son qarorida belgilangan.
Milliy gvardiyaning jangovar va ma’naviy- ma’rifiy tayyorgarlikda oʻrnak koʻrsatgan kontrakt boʻyicha harbiy хizmatchi va maхsus unvonga ega хodimlariga mamlakatda ishlab chiqarilgan yengil avtobillarni sotib olish uchun imtiyozli kreditlar beriladi.
Milliy gvardiyaning taqdimnomalariga muvofiq kreditlar Tashqi iqtisodiy faoliyat milliy banki tomonidan yiliga 300 tagacha avtomobil hajmida quyidagi shartlarda beriladi:
- kredit muddati – 5 yilgacha;
- dastlabki badal - avtotransport vositasi qiymatining kamida 20%i miqdorida;
- foiz stavkasi - Markaziy bankning qayta moliyalashtirish stavkasi plyus 2% miqdorida;
- kredit boʻyicha ta’minot - sotib olinadigan avtomobilni garovga qoʻyish.
Kreditning boshqa shartlari bankning kredit siyosati va amaldagi qonunchilikka asosan belgilanadi.
Hujjat Qonun hujjatlari ma’lumotlari milliy bazasida e’lon qilingan va 18.07.2019 yildan kuchga kirdi.
