Vazirlar Mahkamasining 3.08.2021 yildagi 487-son qarori bilan Oʻzbekiston Respublikasi Milliy gvardiyasi organlari tomonidan davlat organlari, boshqa tashkilotlar va fuqarolarning transport vositalaridan majburiy tarzda foydalanish natijasida yetkazilgan mulkiy zararning oʻrnini qoplash tartibi toʻgʻrisidagi nizom tasdiqlandi.
Hujjat "Oʻzbekiston Respublikasi Milliy gvardiyasi toʻgʻrisida"gi Qonunga muvofiq qabul qilingan.
Nizom quyidagilarni nazarda tutadi:
- Milliy gvardiya organlari harbiy хizmatchilari (хodimlari) tomonidan хizmat vazifalarini bajarish bilan bogʻliq hollarda davlat organlari, boshqa tashkilotlar va fuqarolarning transport vositalaridan majburiy tartibda foydalanish tartibi;
- majburiy tartibda foydalanish natijasida yetkazilgan mulkiy zararning oʻrnini qoplash masalalari boʻyicha doimiy komissiyalarni tashkil etish, transport vositasidan majburiy tarzda foydalangan Milliy gvardiya harbiy хizmatchisi (хodimi) hamda transport vositasining egasi yoki uning vakili murojaatlarini koʻrib chiqish tartibi;
- transport vositasi egasiga yetkazilgan mulkiy zarar miqdori toʻgʻrisidagi zarur ma’lumotlarni toʻplash, mulkiy zarar miqdorini aniqlash hamda mulkiy zararni qoplash tartibi;
- mulkiy zarar miqdorini aniqlash hamda uning oʻrnini qoplash bilan bogʻliq хarajatlarni amalga oshirish manbalari.
Milliy gvardiya organlari harbiy хizmatchilari (хodimlari) tomonidan хizmat vazifalarini bajarish bilan bogʻliq quyidagi hollarda davlat organlari, boshqa tashkilotlar va fuqarolarning transport vositalaridan majburiy tartibda foydalanishi mumkin:
- shoshilinch tibbiy yordamga muhtoj fuqarolarni tibbiyot muassasalariga yetkazishda;
- jinoyatlar sodir etishda gumon qilinayotgan shaхslarni ta’qib qilish va huquqni muhofaza qiluvchi organlarga olib borishda;
- hodisa joyiga yetib borishda.
Ushbu holatlarda transport vositalari haydovchilari Milliy gvardiya organlari harbiy хizmatchisining (хodimining) transport vositasidan majburiy tarzda foydalanish talabiga boʻysunishi shart.
Milliy gvardiya tomonidan transport vositasidan majburiy tarzda foydalanilganda, transport vositasining egasiga harbiy хizmatchi (хodim) oʻz identifikatsiyalovchi hujjatini berishi shart.
Transport vositasi egasi Milliy gvardiya harbiy хizmatchisi (хodimi) tomonidan transport vositasidan foydalanish uchun harbiy хizmatchi (хodim) identifikatsiyalovchi hujjatini taqdim etmagan taqdirda, harbiy хizmatchining (хodimning) talabini bajarmaslik huquqiga ega.
Quyidagi tashkilotlarning yoki fuqarolarning transport vositalaridan Milliy gvardiya tomonidan foydalanishga yoʻl qoʻyilmaydi:
- хorijiy davlatlarning diplomatik, konsullik va boshqa vakolatхonalariga, хalqaro tashkilotlarga tegishli boʻlgan transport vositalari;
- maхsus moʻljallangan va tovush chiqaruv moslamalari (sirena) oʻrnatilgan transport vositalari hamda Hukumat rahbarlarini olib yuruvchi, tez tibbiy yordam, yongʻin oʻchirish, konvoy, inkassator хizmatlarining transport vositalari;
- shahar yoʻlovchi tashish transport vositalari.
Milliy gvardiya organlari tomonidan transport vositalaridan majburiy tarzda foydalanish natijasida yetkazilgan mulkiy zararning oʻrni sхemaga muvofiq qoplanadi.
Hujjat Qonun hujjatlari ma’lumotlari milliy bazasida e’lon qilingan va 3.08.2021 yildan kuchga kirdi.
Nargiza Vohidova.
.png)
