Prezidentning 31.03.2022 yildagi “Muborak Ramazon oyini munosib tarzda oʻtkazish toʻgʻrisida”gi qarori qabul qilindi. Hujjat OʻzAda e’lon qilingan.
Oʻzbekiston musulmonlari idorasining aхborotiga muvofiq, muborak Ramazon oyining boshlanishi 2 aprel kuniga toʻgʻri keladi.
Qoraqalpogʻiston Vazirlar Kengashi, viloyatlar va Toshkent shahar hokimliklariga Din ishlari boʻyicha qoʻmita, Mahalla va nuroniylarni qoʻllab-quvvatlash vazirligi hamda jamoat tashkilotlari bilan birgalikda Ramazon oyini milliy an’ana va qadriyatlarga mos va munosib tarzda oʻtkazishga doir chora-tadbirlarni amalga oshirish topshirildi.
Muborak Ramazon oyining mazmun-mohiyati insoniylik, shukronalik, sabr-qanoat kabi fazilatlarni e’zozlash, oilalar hamda mahallalarda mehr-oqibat va oʻzaro hurmat muhitini mustahkamlash, ehtiyojmand kishilarni har tomonlama qoʻllab-quvvatlashdan iboratdir.
Lola Abduazimova.