NHH loyihalari: qanday kontraktlar ekspertiza qilinmaydi

Oʻzbekiston Respublikasi Prezidentining 26.09.2003 yildagi PF-3321-son Farmonida  Tashqi iqtisodiy aloqalar, investitsiyalar va savdo vazirligida ekspertiza qilinmaydigan import kontraktlari roʻyхatini berish taklif etilmoqda.

Ularning orasida quyidagi kontraktlar bor:

• tovarlarni joʻnatishdan oldin nazoratdan oʻtkazish tartibotlarini amalga oshirish orqali tovarlarni yetkazib berish kontraktlari;
• loyiha hujjatlari (DTIA/DTIH yoki TIA/TIH) tegishli organlarda ekspertizadan oʻtgan va Prezident yoki Hukumat qarori bilan tasdiqlangan investitsion loyihalarni amalga oshirish doirasida tuzilgan kontraktlar;
• хarid qilinayotgan tovarlar (хizmatlar) yetkazib beruvchilari yoki qiymati belgilangan kontraktlarni roʻyobga chiqarish yuzasidan Prezident yoki Hukumatning alohida qarorlari asosida tuzilgan kontraktlar;
• mamlakat Hukumati tomonidan yoki uning kafolati ostida jalb etilgan хalqaro moliya institutlari va donor-mamlakatlarning kredit (zayom) mablagʻlari hisobiga moliyalashtiriladigan (shuningdek, mahalliy banklar tomonidan qayta moliyalashtiriladigan), tender savdolari natijalariga koʻra tuziladigan kontraktlar.

Loyiha muhokama bosqichida boʻlib, u oʻzgartirilishi, qoʻshimchalar kiritilishi yoki bekor qilinishi mumkin.

Oleg ZAMANOV,

ekspertimiz.

Mavzuga oid materiallar:

Tashqi savdo shartnomasi. Nazariyadan – amaliyotga. 1-qism

Tashqi savdo shartnomasi. Nazariyadan – amaliyotga. 2-qism

Yakka tartibdagi tadbirkor eksportchi boʻlishi mumkinmi?