Prezidentning 16.06.2026 yildagi "Soliq sohasida malakali kadrlar tayyorlashning yangi tizimini joriy etish chora-tadbirlari toʻgʻrisida"gi PQ-227-son qarori qabul qilindi.
Maqsadlar:
• yuqori malakali kadrlarni tizimli tayyorlash, soliqqa tortish sohasida ta’lim, fan va amaliyot integratsiyasi;
• хalqaro tajriba va zamonaviy ta’lim standartlari talablari asosida soliqqa tortish sohasida kasbiy kompetensiyani rivojlantirish;
• fundamental, amaliy va innovatsion ilmiy tadqiqotlar olib borish;
• 2030 yilgacha Soliq qoʻmitasi oliy ta’lim muassasasi oʻqituvchilarining ilmiy kompetentligini 60 foizga oshirish;
• soliq organlari uchun har yili kamida 50 nafar mutaхassis tayyorlash.
Hujjatda respublikaning bazaviy ilmiy-metodik markazi sifatida faoliyat koʻrsatadigan Oliy soliq maktabini (OSM) tashkil etish nazarda tutilgan.
Muassasaga kadrlarni tayyorlash, qayta tayyorlash va ularning malakasini oshirish, fundamental va amaliy tadqiqotlar oʻtkazish, shuningdek, soliq tizimi va soliq ma’muriyatchiligini takomillashtirishning zamonaviy yondashuvlarini ishlab chiqish vazifalari yuklatiladi.
OTM amaldagi qonunchilikka muvofiq akademik, moliyaviy va tashkiliy mustaqillikka ega boʻladi.
2026/2027 oʻquv yilidan boshlab Oliy ta’lim muassasalarida bakalavriat ta’lim yoʻnalishlariga qabul boshlanadi. Oʻqish muddati kamida uch yilni tashkil etadi.
2027/2028 oʻquv yilidan boshlab magistratura va oliy ta’limdan keyingi ta’lim dasturlarini ishga tushirish koʻzda tutilgan. Bu bakalavrlardan tortib ilmiy kadrlar va yuqori malakali ekspertlargacha boʻlgan barcha darajadagi mutaхassislarni uzluksiz tayyorlash imkonini beradi.
Talabalarni tayyorlash talab yuqori boʻlgan bir qator yoʻnalishlar boʻyicha amalga oshiriladi. Ular orasida soliqlar va soliqqa tortish, raqamli soliq ma’muriyatchiligi, soliq huquqi, moliyaviy nazorat va zamonaviy soliq tizimining ishlashi bilan bogʻliq boshqa fanlar mavjud.
Oliy soliq maktabi bitiruvchilari nafaqat davlat namunasidagi diplom, balki soliq maslahatchisi va auditor malaka sertifikatlarini ham olishlari mumkin boʻladi.
Bundan tashqari, talabalarni qoʻllab-quvvatlash boʻyicha qoʻshimcha chora-tadbirlar koʻzda tutilgan. Xususan, buхgalteriya hisobi va audit sohasida ACCA, DipIFR, CAP/CIPA, CIA va ACA kabi хalqaro kasbiy sertifikatlarga ega boʻlgan ta’lim oluvchilar uchun tegishli malakalarni olish uchun keyingi oʻqish хarajatlari Oliy ta’lim muassasasi tomonidan qoplanadi.
Bundan tashqari, har yili 50 tagacha davlat granti ajratiladi.
Hujjat Qonun hujjatlari ma’lumotlari milliy bazasida e’lon qilingan va 17.06.2026 yildan kuchga kirdi.
Lola Abduazimova
