Oliy ta’lim, fan va innovatsiyalar vazirining buyrugʻi (03.04.2026 y. AV roʻyхat raqami 3807-son) bilan Oliy ta’lim toʻgʻrisidagi nizom yangi tahrirda tasdiqlandi.
Xususan, quyidagi shakllarda ta’lim olish muddati kunduzgi ta’lim shakliga nisbatan uzoqroq boʻlishi belgilandi:
- sirtqi shaklda – kamida 1 yilga;
- kechki shaklda – kamida yarim yilga.
Oliy ta’lim kunduzgi, masofaviy, dual, inklyuziv va boshqa shakllarda amalga oshiriladi.
Ta’lim jarayonining oʻzi Yevropa kreditlarni oʻtkazish va jamgʻarish tizimiga (ECTS) moslashtirilgan milliy kredit-modul tizimiga asoslangan.
Oliy ta’lim tashkilotlariga akademik, tashkiliy va moliyaviy mustaqillik beriladi.
Hujjat Qonun hujjatlari ma’lumotlari milliy bazasida davlat tilida e’lon qilingan va 06.04.2026 yil kuchga kirdi.
Lola Abduazimova
