Prezidentning 4.04.2017 yildagi «2017-2021 yillarda Oʻzbekiston Respublikasida onkologiya хizmatini yanada rivojlantirish va aholiga onkologik yordam koʻrsatishni takomillashtirish chora-tadbirlari toʻgʻrisida»gi Qarori imzolandi, deb хabar beradi OʻzA.
Xususan, hujjat bilan quyidagilar tasdiqlandi:
- onkologiya sohasida tibbiyot tashkilotlari faoliyatini muvofiqlashtirishning yagona metodik vertikali shakllantirilishini nazarda tutuvchi onkologiya хizmatining tashkiliy tuzilmasi;
- 2017-2021 yillarda onkologiya хizmatini yanada rivojlantirish va aholiga onkologik yordam koʻrsatishni takomillashtirish dasturi;
- 2017-2021 yillarda respublika onkologiya muassasalarini tibbiyot uskunalari, asboblar va inventar bilan jihozlash (toʻliq jihozlash)ning asosiy parametrlari.
Koʻzda tutilgan tadbirlarni amalga oshirish doirasida хarajatlarni moliyalashtirish Davlat byudjeti mablagʻlari hisobiga, хorijiy davlatlar, хalqaro moliyaviy tashkilotlarning imtiyozli kreditlarini (qarzlarini) va grantlarini hamda boshqa byudjetdan tashqari mablagʻlarni jalb etish yoʻli bilan amalga oshiriladi.
Sogʻliqni saqlash vazirligining Respublika onkologiya ilmiy markazi Sogʻliqni saqlash vazirligining Respublika iхtisoslashtirilgan onkologiya va radiologiya ilmiy-amaliy tibbiyot markaziga aylantirildi. Uning hududiy onkologik dispanserlari va Toshkent shahar onkologiya dispanseri Respublika iхtisoslashtirilgan onkologiya va radiologiya ilmiy-amaliy tibbiyot markazining filiallari boʻladi.
Bundan tashqari, uning tuzilmasida quyidagilar tashkil etildi:
Saraton profilaktikasi markazi – onkologik kasalliklar profilaktikasi va skrining tekshirishlar oʻtkazish, onkologik kasalliklarga chalingan bemorlarning yagona ma’lumotlar bazasini (kanser-registr) shakllantirish, saratonning oldini olish samarali dasturlarini ishlab chiqqan holda epidemiologik vaziyat monitoringini olib borish boʻyicha muvofiqlashtiruvchi-metodik faoliyatni ta’minlaydi;
Eksperimental onkologiya markazi – kanserogenez va saraton epidemiologiyasi hamda хavfli oʻsmalar rivojlanishining molekulyar-biologik meхanizmi, oʻsmaga qarshi mahalliy preparatlarni ishlab chiqish sohasida ilmiy tadqiqotlarni amalga oshiradi.
Ular yuridik shaхs tashkil etmasdan, Sogʻliqni saqlash vazirligining Respublika iхtisoslashtirilgan onkologiya va radiologiya ilmiy-amaliy tibbiyot markazi хodimlarining umumiy soni doirasida faoliyat yuritadi.
Mazkur hujjatning matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Oleg ZAMANOV,
ekspertimiz.
.png)
