Vazirlar Mahkamasining 2017 yil 11 avgustdagi 617-son Qaroriga muvofiq Oliy va oʻrta maхsus ta’lim vazirining buyrugʻi (roʻyхat raqami 2945, 2017 yil 7 noyabr) bilan yangi Oliy ta’lim muassasalarida ta’lim sohalari bloklari va shakllari boʻyicha bir nafar oʻqituvchi hisobiga toʻgʻri keladigan talabalar soni nisbatining normativlari tasdiqlandi.
Normativlar ayrim OTMda quyidagicha belgilanadi:
- tibbiyot OTMning sogʻliqni saqlash ta’lim sohasi uchun 2017/2018 oʻquv yilining 2-semestrigacha - 6,8 va 2017/2018 oʻquv yilining 2-semestridan boshlab - 6 (ilgari - 2017/2018 oʻquv yilidan boshlab – 8,2);
- Oʻzbekiston Respublikasi Bank-moliya akademiyasi uchun 2017/2018 oʻquv yilidan boshlab – 9 (ilgari - 12,5);
- Jahon iqtisodiyoti va diplomatiya universiteti uchun 2017/2018 oʻquv yilidan boshlab – 7 (ilgari - 8,5);
- Toshkent islom universiteti uchun 2017/2018 oʻquv yilidan boshlab – 5,1 (ilgari - 6,1), 2018/2019 oʻquv yilidan boshlab – 5,5.
- OTM maхsus sirtqi va sirtqi boʻlinmalarida - 20 (ilgari - maхsus sirtqi boʻlinmalarda - 35).
Bu - muhim! Normativlar professor-oʻqituvchilar tarkibi alohida qonun hujjatlari bilan belgilab qoʻyilgan OTMga nisbatan tatbiq etilmaydi.
Ta’lim sohalari boʻyicha normativlar bilan bu yerda tanishish mumkin.
Hujjat 2017 yil 8 noyabrda kuchga kirdi.
Mazkur hujjatning matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Sardor JUMAShOV,
ekspert-yuristimiz.