Prezidentning 09.02.2023 yildagi «Toshkent shahrining ijtimoiy-iqtisodiy vazifalarini jadal sur’atlarda hal etish hamda aholi farovonligini yaхshilashga doir qoʻshimcha chora-tadbirlar toʻgʻrisida»gi PQ-50-son qarori qabul qilindi.
Tiklanish va taraqqiyot jamgʻarmasi mahallalarning infratuzilmasini rivojlantirish, havo harorati keskin sovib ketishi davrida talafot koʻrgan mahallalardagi ichki yoʻllar, piyodalar yoʻlaklari, muhandislik-kommunikatsiya ob’yektlarini ta’mirlash va obodonlashtirish uchun Toshkent shahar hokimligiga 584 mlrd soʻm miqdorida foizsiz kredit ajratadi.
Mazkur kredit mablagʻlarining 200 mlrd soʻmi 2023 yilning IV choragida, 384 mlrd soʻmi 2024 yilning har choragida teng ulushlarda Toshkent shahar mahalliy byudjetining qoʻshimcha manbalari hisobidan Jamgʻarmaga qaytariladi.
Toshkent shahar hokimligiga kredit mablagʻlari hisobidan Toshkent shahrining har bir mahallasiga qoʻshimcha 1 mlrd soʻmdan mablagʻ ajratish topshirildi.
Hujjat Qonun hujjatlari ma’lumotlari milliy bazasida e’lon qilingan va 10.02.2023 yildan kuchga kirdi.
Lola Abduazimova.
