Tegishli Farmonga sharh “Xalq soʻzi” gazetasida e’lon qilingan.
Konstitutsiya qabul qilinganligining 27 yilligi munosabati bilan hamda bilib-bilmay jinoyat sodir etgan, hozirgi vaqtda qilmishiga chin koʻngildan pushaymon boʻlgan va tuzalish yoʻliga qat’iy oʻtgan jazo muddatini oʻtayotgan 92 nafar fuqaro afv etildi.
Afv etilganlarning 20 nafari - jazodan toʻliq ozod qilinadi, 37 nafari - jazoni oʻtashdan muddatidan ilgari shartli ozod qilinadi, 16 nafariga tayinlangan jazo yengilroq jazo bilan almashtiriladi. Shu tariqa, 73 nafar shaхs jazoni ijro etish muassasalaridan ozod qilinmoqda va probatsiya хizmati organlari nazoratidan olinmoqda, 19 nafar shaхsga tayinlangan ozodlikdan mahrum etish jazosining muddatlari qisqartiriladi.
Afv etilganlar orasida: uch nafar 60 yoshdan oshgan erkaklar, uch nafar ayollar hamda 79 nafar taqiqlangan tashkilotlar faoliyatida qatnashganlar.
Farmon ijrosi yuzasidan afv etilgan shaхslarni oilasi va yaqinlari bagʻriga qaytarish, ijtimoiy hayotga moslashib, foydali mehnat bilan shugʻullanishlari, sogʻlom turmush tarzini yoʻlga qoʻyib, jamiyatda munosib oʻrin topishlari uchun ularga koʻmak berish yuzasidan mas’ul vazirlik va idoralarga topshiriqlar berildi.
