Vazirlar Mahkamasining 12.02.2025 yildagi «Shaharsozlik faoliyatini geoaхborot bilan ta’minlash meхanizmini takomillashtirish chora-tadbirlari toʻgʻrisida»gi 85-son qarori qabul qilindi.
«Topografiya» ma’lumotlar bazasi yaratilmoqda.Shuningdek 2025 yil 1 iyuldan boshlab:
- respublika hududida mulkchilik shaklidan qat’i nazar, qurilishi tugallangan barcha ob’yektlarda ijroviy topografik tasvirga olish jarayonlari bajariladi va «Topografiya» ma’lumotlar bazasiga kiritiladi;
- idoraviy boʻysunishi va mulkchilik shaklidan qat’i nazar, barcha tashkilotlar va korхonalar tomonidan amalga oshirilgan yirik masshtabli topografik tasvirlar va rejalar ma’lumotlar bazasiga kiritiladi;
- ma’lumotlar bazasiga kiritilmagan topografik rejalardan foydalanilgan ishchi loyiha hujjatlarini ekspertizadan oʻtkazishga yoʻl qoʻyilmaydi;
- ma’lumotlar bazasiga kiritilgan ijroviy topografik tasvirlari mavjud boʻlmagan qurilish va (yoki) rekonstruksiyasi tugallangan ob’yektlar foydalanishga qabul qilinmaydi.
Hujjat bilan shuningdek:
- Shaharsozlik faoliyatini geoaхborot bilan ta’minlash uchun markazlashtirilgan topografik ma’lumotlar bazasini yaratish va yuritish qoidalari;
- Yirik masshtabli topografik rejalar uchun shartli belgilar klassifikatori tasdiqlanmoqda.
Hujjat Qonun hujjatlari ma’lumotlari milliy bazasida e’lon qilingan va 12.02.2025 yildan kuchga kirdi.
Sobir Nurberdiyev
