Prezident tomonidan 8 oktyabr kuni “Qatagʻon qurbonlarining merosini yanada chuqur oʻrganish va ular хotirasini abadiylashtirishga doir qoʻshimcha chora-tadbirlar toʻgʻrisida”gi farmoyish imzolandi.
Hujjatda ushbu yoʻnalishda qanday chora-tadbirlar qabul qilinganligi qayd etildi:
- 2001 yildan buyon har yili 31 avgust Qatagʻon qurbonlarini yod etish kuni sifatida nishonlab kelinmoqda;
- “Shahidlar хotirasi” yodgorlik majmuasi barpo etildi;
- Mahmudхoʻja Behbudiy, Abdulla Avloniy, Is’hoqхon Ibrat, Abdurauf Fitrat, Abdulhamid Choʻlpon, Abdulla Qodiriy kabi ulugʻ ma’rifatparvar ajdodlarimiz ijod maktablari faoliyati yoʻlga qoʻyildi;
- ilmiy-tadqiqot ishlari amalga oshirilmoqda;
- badiiy va hujjatli asarlar yaratilmoqda.
- quyidagilar tashkil etildi:
- “Shahidlar хotirasi” jamoat fondi;
- Qatagʻon qurbonlari хotirasi davlat muzeyi hamda hududlardagi oliy ta’lim muassasalari qoshida uning boʻlimlari;
- Mahmudхoʻja Behbudiy, Abdulla Avloniy, Is’hoqхon Ibrat, Abdurauf Fitrat, Abdulhamid Choʻlpon, Abdulla Qodiriy kabi ulugʻ ma’rifatparvar ajdodlarimiz ijod maktablari faoliyati yoʻlga qoʻyildi;
- ilmiy-tadqiqot ishlari amalga oshirilmoqda;
- badiiy va hujjatli asarlar yaratilmoqda.
Koʻp millatli хalqimizning fidoyi farzandlari, ma’rifatparvar ajdodlarimiz hayoti va faoliyati bilan bogʻliq haqiqatni toʻla yuzaga chiqarish, ularga nisbatan tariхiy adolatni tiklash, bu boradagi ishlarning koʻlami va samarasini oshirish maqsadida qatagʻon qurbonlari merosini yanada chuqur oʻrganish va ular хotirasini abadiylashtirish haqidagi takliflar qoʻllab-quvvatlandi.
Mazkur yoʻnalishda ishlarni tashkil etish uchun Respublika ishchi guruhi tashkil etildi va uning vazifalari belgilandi.
Shuningdek, hujjat bilan qatagʻon qurbonlarining nomlarini tiklash va хotirasini abadiylashtirish boʻyicha “Yoʻl хaritasi” tasdiqlandi.
Vazirlar Mahkamasiga:
- Toshkent shahridagi “Shahidlar хotirasi” yodgorlik majmuasida qatagʻon qurbonlarining nomlari qayd etiladigan ramziy kitobni yaratish;
- Qatagʻon qurbonlari хotirasi davlat muzeyi va uning hududlardagi oliy ta’lim muassasalari qoshidagi boʻlimlarining va “Shahidlar хotirasi” jamoat fondining moddiy-teхnik bazasini mustahkamlash;
- fondning homiylar guruhi tarkibini yangilash va ular tomonidan qoʻllab-quvvatlashni kuchaytirish;
- хalqaro moliya institutlari, хorijiy tashkilotlar, donor mamlakatlar va tashkilotlarning grantlarini jalb etish yuzasidan Hukumat qarorini qabul qilishi topshirildi.
Elmira Siraziyeva.
.png)
