23.10.2025 yilda "Voyaga yetmaganlarga nisbatan jinoiy javobgarlik yanada liberallashtirilishi munosabati bilan Oʻzbekiston Respublikasining Jinoyat kodeksiga qoʻshimcha va oʻzgartishlar kiritish toʻgʻrisida"gi OʻRQ-1092-sonli Qonun qabul qilindi.
Xususan, "Sudlanganlikning huquqiy ahamiyati" deb nomlangan 77-modda quyidagi mazmundagi хatboshi bilan toʻldirildi: oʻn sakkiz yoshga toʻlguniga qadar sodir etgan jinoyati uchun tayinlangan jazoni oʻtab boʻlgan shaхs sudlanmagan deb hisoblanadi, bundan oʻta ogʻir jinoyatlar sodir etgan yoki sodir etgan jinoyati uchun tayinlangan jazoni oʻtab boʻlganidan soʻng oʻn sakkiz yoshga toʻlguniga qadar yangi jinoyat sodir etgan hollari mustasno.
Shuningdek, 841 va 85-moddalarga kiritilgan oʻzgartirishlar bilan voyaga yetmaganlar uchun ozodlikni cheklash va ozodlikdan mahrum qilishning eng kam muddati olti oydan bir oygacha qisqartirildi.
Hujjat Qonun hujjatlari ma’lumotlari milliy bazasida davlat tilida e’lon qilindi va 24.10.2025 yildan kuchga kirdi.
