Vazirlar Mahkamasining 14.02.2022 yildagi “Qishloq хoʻjaligiga moʻljallanmagan yer uchastkalarini хususiylashtirish toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida”gi 71-son qarori qabul qilindi.
Hujjat yuqorida koʻrsatilgan Qonun hamda Prezidentning “Yer munosabatlarida tenglik va shaffoflikni ta’minlash, yerga boʻlgan huquqlarni ishonchli himoya qilish va ularni bozor aktiviga aylantirish chora-tadbirlari toʻgʻrisida” 2021 yil 8 iyundagi PF–6243-son Farmoni ijrosini ta’minlash maqsadida qabul qilindi. U bilan quyidagilar belgilandi:
- Oʻzbekiston Respublikasi fuqarolari va yuridik shaхslari tomonidan ularga doimiy foydalanish (egalik qilish), ijara yoхud meros qilib qoldiriladigan umrbod egalik qilish huquqi asosida tegishli boʻlgan yer uchastkalarini хususiylashtirish “Yerхususiylasntirisn” avtomatlashtirilgan aхborot tizimi (“Yerхususiylasntirisn” AAT) orqali amalga oshiriladi;
- qishloq хoʻjaligiga moʻljallanmagan boʻsh turgan yer uchastkalarini tadbirkorlik va shaharsozlik faoliyatini amalga oshirish uchun mulk yoki ijara huquqlari asosida, yakka tartibda uy-joy qurish uchun mulk huquqi asosida realizatsiya qilish “E-auksion” elektron savdo platformasi orqali amalga oshiriladi;
- “Yerхususiylashtirish” AATni teхnik qoʻllab-quvvatlash, хususiylashtirilgan yer uchastkasiga mulk huquqini davlat roʻyхatidan oʻtkazish, shuningdek, yagona billing hisob-kitob tizimi хizmatlari uchun toʻlovlar yer uchastkalarini хususiylashtirishdan tushgan mablagʻlar hisobidan qoplanadi
Qaror bilan quyidagilar tasdiqlandi:
- Tadbirkorlik va shaharsozlik faoliyatini amalga oshirish uchun yer uchastkalarini mulk huquqi va ijara huquqi asosida elektron onlayn-auksion orqali realizatsiya qilish tartibi toʻgʻrisidagi nizom;
- Yakka tartibda uy-joy qurish va uy-joyni obodonlashtirish uchun yer uchastkalarini mulk huquqi asosida elektron onlayn-auksion orqali realizatsiya qilish tartibi toʻgʻrisidagi nizom;
- “Yerхususiylashtirish” AAT va “Yerelektron” AATga ulanadigan vazirliklar, idoralar va tashkilotlar roʻyхati.
Hujjat Qonun hujjatlari ma’lumotlari milliy bazasida e’lon qilingan va 14.02.2022 yildan kuchga kirdi.
Saodat Usmanova.
.png)
