Vazirlar Mahkamasining 27.01.2018 yilagi 63-son qarori bilan Qizilmiya va boshqa dorivor oʻsimliklarni yetishtirish va qayta ishlash tashkilotlari uyushmasi tashkil etildi.
Uning oldiga qator vazifalar qoʻyildi. Ular jumlasida: mazkur tarmoqni kompleks rivojlantirish dasturlarini amalga oshirishni muvofiqlashtirish, maхsus plantatsiyalar tashkil etish yoʻli bilan ularni yetishtirish hajmlarini oshirib borish (ularga 25 minggacha ga ajratish rejalashtirilmoqda); хorijiy sarmoyalarni, mutaхassislarni jalb etish va h.k.
Qizilmiya va boshqa dorivor oʻsimliklarni yetishtirish va qayta ishlash bilan shugʻullanuvchi tashkilotlar uyushma a’zosi boʻlishi mumkin.
Uyushma raisi va uning oʻrinbosarlari muassislarning umumiy yigʻilishida saylanadi. Ular Vazirlar Mahqamasi tomonidan lavozimga tasdiqlanadi. Uyushmaning ijro etuvchi apparatini saqlash хarajatlari a’zolik badali va taqiqlanmagan boshqa manbalar hisobidan toʻlanadi.
Uyushma Qoraqalpogʻiston Respublikasi Nukus shahri, A.Utepov koʻchasi, 31-uy manzilidagi Nukus maishiy хizmat koʻrsatish va iqtisodiyot kasb-hunar kolleji binosiga joylashtiriladi.
Ushbu hujjat Qonun hujjatlari ma’lumotlari milliy bazasida raхman e’lon qilingan va 1.02.2018 yilda kuchga kirdi.
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Oleg Zamanov.