Prezident Qurbon hayitini nishonlash toʻgʻrisidagi qarorni imzoladi. Hujjat OʻzAda e’lon qilingan.
2019 yilda Qurbon hayitining birinchi kuni 11 avgust – yakshanba kuniga toʻgʻri keladi, deyiladi hujjatda. Ushbu bayram ma’naviy hayotimizda ulkan oʻringa va ahamiyatga ega boʻlib, хalqimizga хos boʻlgan mehr-oqibat, shukronalik va bagʻrikenglik ramzi hisoblanadi.
Milliy-diniy qadriyatlarimizni asrash va ulugʻlash maqsadida Qoraqalpogʻiston Vazirlar Kengashi, viloyatlar va Toshkent shahar hokimliklariga “Nuroniy” jamgʻarmasi, Fuqarolarning oʻzini oʻzi boshqarish organlari faoliyatini muvofiqlashtirish boʻyicha Respublika kengashi va boshqa jamoat tashkilotlari bilan birgalikda Qurbon hayitining joylarda yuqori saviyada, хalqimizning milliy va diniy an’analariga mos ravishda oʻtishi uchun tegishli tadbirlarni amalga oshirish topshirildi.
