Vazirlar Mahkamasining 31.08.2023 yildagi «Tashqi reklama va ijtimoiy aхborotning aylanish sohasidagi munosabatlarni tartibga solishni yanada takomillashtirish chora-tadbirlari toʻgʻrisida»gi 428-son qarori qabul qilindi.
2023 yil 1 dekabrdan:
- reklama joyi pasportini shakllantiruvchi «Tashqi reklama» raqamli monitoring elektron tizimi ishga tushirilmoqda;
- auksion natijalari boʻyicha toʻlov hamda reklamani joylashtirish uchun yigʻim oʻrniga miqdori ochiq elektron auksion orqali aniqlanadigan yagona har oylik yigʻim kiritilmoqda;
- reklama joyi pasporti va uni davlat mulki ob’yektlarida joylashtirish toʻgʻrisidagi shartnoma auksion gʻolibiga avtomatik tarzda «E-auksion» platformasi orqali ommaviy oferta shaklida yuboriladi;
- reklama joyi pasporti YaIDXP orqali beriladi.
Amal qilish muddati koʻrsatilmagan reklama joyi pasportlari uchun muddat 2024 yil 1 dekabrga (bino va inshootlar uchun) va 2030 yil 1 dekabrga (yer uchastkalari uchun) qadar etib belgilanmoqda.
Shuningdek ijtimoiy reklama monitoringi boʻyicha komissiya tuzilmoqda, uning raisi – Bosh vazir, ishchi organ sifatida Prezident Administratsiyasi huzuridagi AOKA belgilanmoqda.
Hujjat Qonun hujjatlari ma’lumotlari milliy bazasida e’lon qilingan va 04.09.2023 yilda kuchga kirdi.
Sobir Nurberdiyev
