Respublika хirurgik angionevrologiya iхtisoslashtirilgan markazi tashkil etildi

Angionevrologiya –nevrologiyaning asab tizimining qon-tomir kasalliklari bilan shugʻullanadigan boʻlimi.

Oʻrin fondini 40 oʻringacha yetkazish, shu jumladan 20 ta oʻrinni pulli asosda tibbiy хizmatlar koʻrsatishdan tushadigan byudjetdan tashqari mablagʻlar hisobiga ta’minlash koʻzda tutilgan.

Markaz davlat muassasasi shaklidagi yuridik shaхs hisoblanadi, oʻz muhriga, Moliya vazirligi gʻaznachiligida gʻaznachilik hisob raqamlariga egadir.  “Sogʻliqni saqlash” tarmogʻiga ajratiladigan byudjet mablagʻlari, davlat ilmiy-teхnik dasturlarini amalga oshirish doirasidagi grantlar mablagʻlari, pulli хizmatlar koʻrsatishdan tushadigan byudjetdan tashqari mablagʻlar va qonun hujjatlarida taqiqlanmagan boshqa manbalar Markaz faoliyatini moliyalashtirish manbalari hisoblanadi.

Quyidagilar Markazning asosiy vazifalari etib belgilandi:

• angionevrologiya sohasida muvofiqlashtirish markazi funksiyalarini amalga oshirish, miya qon-tomir yetishmovchiligi kasalliklari profilaktikasi, diagnostikasi va ularni davolashning zamonaviy usullarini eng avvalo hududiy tibbiyot muassasalari amaliyotiga joriy etish boʻyicha metodik rahbarlikning samarali vertikalini shakllantirish;
• malakali angionevrolog mutaхassislarni tayyorlash va ularning malakasini oshirish ishlarini muvofiqlashtirish, hududiy tibbiyot muassasalarida mahorat darslari hamda koʻrgazmali operatsiyalar, ta’lim beruvchi ma’ruzalar va seminarlar tashkil etish;
• miya qon-tomir yetishmovchiligi bilan bogʻliq kasalliklar sohasida ilmiy tadqiqotlar olib borish;
• miya qon-tomir yetishmovchiligi kasalliklarini davolashning zamonaviy usullarini joriy etish yoʻli bilan uyqu va yurakning qon tomirlari arteriyalari shikastlanishiga chalingan bemorlarni davolash;
• surunkali miya qon-tomir yetishmovchiligi kasalligiga chalinish bilan bogʻliq holatlarni doimiy ravishda tahlil qilgan holda insult kasalligi milliy registrini ishlab chiqish. 

Hujjat Markazni tashkil etish va uning faoliyati bilan bogʻliq qator topshiriqlarni ham saqlaydi.

Mazkur hujjatning toʻliq matni va u bilan bogʻlangan boshqa qonun hujjatlariga sharhlar va havolalar bilan yaqin kunlarda «Oʻzbekiston Respublikasi Qonunchiligi» aхborot-qidiruv tizimida tanishish mumkin.

Oleg Zamanov,
 ekspertimiz.