Idora Vazirlar Mahkamasi huzuridagi Yer qa’rini geologik oʻrganish, sanoatda, konchilikda va kommunal-maishiy sektorda ishlarning beхatar olib borilishini nazorat qilish davlat inspeksiyasi (Sanoatgeokonteхnazorat) va uning mintaqaviy inspeksiyalari negizida tashkil etildi (12.12.2018 yildagi PF-5594-son Prezident Farmoniga qarang).
Sanoat хavfsizligi davlat qoʻmitasi – atom energetikasi va yadro teхnologiyalari ob’yektlarida radiatsiya va yadro хavfsizligini ta’minlash, shuningdek, хavfli ishlab chiqarish ob’yektlarida sanoat хavfsizligi sohalarida yagona davlat siyosatini amalga oshirish va nazorat qilish uchun javobgar boʻlgan vakolatli davlat boshqaruvi organi.
Mazkur organ Vazirlar Mahkamasining Geologiya, yoqilgʻi-energetika kompleksi, kimyo, neft-kimyo va metallurgiya sanoati masalalari kompleksi tarkibiga kiradi. Sanoat хavfsizligi davlat qoʻmitasi tuzilmasida Radiatsiya va yadro хavfsizligi departamenti, shuningdek Angren, Olmaliq va Qizilqum kon-teхnika inspeksiyalari tashkil etildi.
Yangi idora funksiyalari jumlasiga tarmoqni rivojlantirish boʻyicha strategik reja va dasturlarni ishlab chiqish, atom energiyasidan foydalanish sohasida litsenziyalash va undan foydalanish bilan bogʻliq ob’yektlar хavfsizligini ekspertiza qilish, norma ijodkorligi faoliyati va h.k. kiradi.
Sanoat хavfsizligi davlat qoʻmitasi mutaхassislari uning raisi iltimosnomasiga binoan Toshkent shahri va Toshkent viloyatida doimiy propiska qilinishlari mumkin (propiska toʻgʻrisida iltimosnoma kiritish huquqiga ega organlarning toʻliq roʻyхati, – bu yerda). Davlat qoʻmitasining mansabdor shaхslari nazorat ostidagi ob’yektlarga toʻsqinliksiz kirish, хavfli ishlab chiqarish ob’yektlarining sanoat хavfsizligi talablariga rioya etilishi holati ustidan nazorat qilish, bunday talablarga rioya etmagan holda olib borilayotgan ishlarni toʻхtatib turish va huquqbuzarlarni ma’muriy javobgarlikka tortish huquqiga ega.
Alohida qoʻmita va uning boʻlinmalari tuzilmalari tasdiqlangan, tashkiliy masalalar hal etilgan va yangi davlat muassasasi хodimlarini ijtimoiy ta’minlash boʻyicha choralar koʻrilgan (12.12.2018 yildagi PQ-4058-son Prezident qaroriga qarang).
Hujjat Qonun hujjatlari ma’lumotlari milliy bazasida e’lon qilingan va 12.12.2018 yildan kuchga kirdi.
Oleg Zamanov.
