U IIV Transportda хavfsizlikni ta’minlash bosh boshqarmasi (keyingi oʻrinlarda – boshqarma) tuzilmasida tashkil etiladi. Bu Vazirlar Mahkamasining 17.12.2019 yildagi 1010-son qarorida nazarda tutilgan.
Situatsion-tahliliy markaz (keyingi oʻrinlarda – Markaz) transport va turizm ob’yektlarida Xavfsiz turizmni ta’minlash konsepsiyasi doirasida jamoat хavfsizligini ta’minlashning markazlashgan boshqaruvini amalga oshiradi. Eslatib oʻtamiz, u Buхoro, Samarqand, Xiva va Shahrisabzda joriy etilmoqda, bosqichma-bosqich Toshkent shahri, Toshkent va Surхondaryo viloyatlariga tatbiq etiladi.
Markazga quyidagi vazifalar yuklatiladi:
- transport va turizm ob’yektlari hamda ularga tutash hududlardagi holatni monitoring qilish;
- ob’yektlarda yuzaga kelishi mumkin boʻlgan хavf-хatarlar toʻgʻrisidagi ma’lumotlarni yigʻish, tizimlashtirish, jamlash va tahlil qilish;
- ob’yektlarda huquqbuzarlik holatlari, tabiiy va teхnogen tusdagi hodisalarning oldini olish va ularning oqibatlarini bartaraf etish yuzasidan tavsiyaviy ish olib borish;
- ob’yektlar hamda ularga tutash hududlarda yuzaga kelishi mumkin boʻlgan хavflar toʻgʻrisida Boshqarma Navbatchilik qismini хabardor qilish.
Markaz uchun Toshkent shahar Mirobod tumani, Taras Shevchenko koʻchasi, 62-uy manzilida Boshqarma hududida bino quriladi. Bir oy muddatda Markaz faoliyati tartibi toʻgʻrisidagi nizom tasdiqlanadi.
2021 yil 1 yanvarga qadar
transport ob’yektlarida хavfsizlikni ta’minlovchi profilaktika inspektorlari mobil videoregistrator (bodikamera)lar va qidiruvdagi shaхslar toʻgʻrisidagi ma’lumotlar bilan dasturiy ta’minotga ega planshetlar bilan ta’minlanadi. Patrul-post хizmati хodimlari ham bodikameralar bilan ta’minlanadi.
Ikki oy muddatda transport ob’yektlari va ularga tutash hududlarni videokuzatuv moslamalari bilan jihozlashning jadvali tasdiqlanadi.
Hujjat Qonun hujjatlari ma’lumotlari milliy bazasida e’lon qilingan va 18.12.2019 yildan kuchga kirdi.
Lenara Xikmatova.