Prezidentning 13.12.2017 yildagi PF-5283-son Farmoni bilan soliq va moliya organlari rahbarlarini ragʻbatlantirish va intizomiy jazo qoʻllash tartibi oʻzgartirildi.
Eslatib oʻtamiz, ilgari Prezidentning 10.08.2017 yildagi PF-5147-son “Oʻzbekiston Respublikasi hisob palatasi faoliyatini tubdan takomillashtirish chora-tadbirlari toʻgʻrisida”gi Farmoni bilan ishdagi aniq koʻrsatkichlar uchun ularga lavozim maoshiga nisbatan 10 dan 20%gacha miqdorda ustama va jarimalar belgilangan edi. Batafsil – bu yerda.
Qabul qilingan hujjat (13.12.2017 yildagi PF-5283-son Farmon) bu tartibni bekor qildi.
Endilikda ish haqiga ustamalar oʻrniga mukofotlash joriy etilmoqda. Ya’ni ragʻbatlantirish har oyda qoʻshimcha haq shaklida emas, balki bir martalik toʻlovlar koʻrinishida amalga oshiriladi.
Bundan tashqari, ragʻbatlantirish choralari va intizomiy jazo qoʻllash mezonlari va miqdorlari oʻzgardi. Bunda belgilanishicha, mukofotlash lavozim maoshining 50%idan, jarimalar esa - 30%idan oshmaydi. Quyidagi jadvalga qarang:
Mukofotlash
|
|
Mahalliy byudjet daromadlarining tasdiqlangan prognozining ijro etilgani uchun |
10% |
Byudjetga toʻlovlar boʻyicha soliq qarzdorligi qisqartirilgani uchun |
20% |
Mahalliy byudjet daromadlarini oshirish rezervlarini aniqlash boʻyicha hisob-kitob koʻrsatkichlari bajarilgani uchun |
20% |
Jarimalar
|
|
Mahalliy byudjet prognozi bajarilmaganligi uchun |
10%dan |
Mahalliy byudjetga toʻlovlar boʻyicha soliq qarzdorligi oshirilgani uchun |
|
Mahalliy byudjet daromadlarini oshirish rezervlarini aniqlash boʻyicha hisob-kitob koʻrsatkichlari bajarilmaganligi uchun |
Mukofotlash va jarimalar moliya vaziri va DSQ raisi tomonidan qoʻllaniladi. Endilikda soliq va moliya organlari rahbarlari har oyda tegishli darajadagi хalq deputatlari kengashlarida hisobot berishlari shartligi bois, ragʻbatlantirish va intizomiy jazo choralari Qoraqalpogʻiston Vazirlar Kengashi Raisi, viloyatlar, Toshkent shahar, tumanlar va shaharlar hokimlari taqdimnomasiga binoan amalga oshiriladi (batafsil – bu yerda).
Qolgan masalalar alohida Nizomda batafsil yoritiladi, Vazirlar Mahkamasiga uni 1.01.2018 yilgacha ishlab chiqish topshirildi.
Hujjat 13.12.2017 yilda kuchga kirdi.
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Samir Latipov.