Davlat statistika qoʻmitasining qarori (roʻyхat raqami 2956-1, 12.03.2018 y.) bilan 2018 yil uchun statistika hisoboti shakllariga oʻzgartirish va qoʻshimchalar kiritildi.
Eslatib oʻtamiz, 2018 yil uchun davlat statistika hisobotlari shakllari Davlat statistika qoʻmitasining qarori (roʻyхat raqami 2956, 19.12.2017 y.) bilan tasdiqlangan. Qaysi shakllar chiqarib tashlangani, qaysilari joriy qilingani haqida batafsil – bizning sharhimizda.
Hujjat bilan bitta hisobot shakli oʻzgartirildi va ikkita yangi shakl joriy qilindi. Shu tariqa, ularning umumiy soni 103 dan 105 ga yetdi.
3-sanoat (choraklik) shakli qayta nomlandi – ilgari «Tayyor mahsulot, butlovchi buyumlar va materiallar ishlab chiqarishni mahalliylashtirish dasturini amalga oshirish toʻgʻrisida hisobot» deyilardi, endi esa «Import oʻrnini bosuvchi mahsulotlar ishlab chiqarishni mahalliylashtirish dasturini amalga oshirish toʻgʻrisida hisobot» deb nomlandi.
Hisobot tarkibi oʻzgarmadi. Xuddi ilgarigidek, u 2 boʻlimdan iborat: mahsulot ishlab chiqarish va mahsulot sotish boʻyicha koʻrsatkichlar. Hisobotni mahalliylashtirish dasturini amalga oshirishda ishtirok etadigan tashkilotlar chorakda bir marta topshiradilar.
Quyidagi hisobot shakllari joriy qilindi:
|
Hisobot nomi |
Kimlar taqdim etadi |
Taqdim etish davriyligi |
|
1-invest shakli. Oʻzbekiston Respublikasiga investitsiyalar va Oʻzbekiston Respublikasidan chet elga yoʻnaltirilgan investitsiyalar toʻgʻrisida hisobot |
Chet el sarmoyasi ishtirokidagi korхonalar |
Choraklik |
|
Chet eldan mablagʻ olgan tashkilotlar |
||
|
Chet elga investitsiyalashni amalga oshiruvchi korхonalar (banklar va boshqa kredit tashkilotlaridan tashqari) |
||
|
8-madaniyat shakli. Respublikadagi madaniy meros ob’yektlari toʻgʻrisida 2017 yil uchun hisobot |
Moddiy madaniy meros ob’yektlarining balans saqlovchilari |
Yillik |
Hujjat Qonun hujjatlari ma’lumotlari milliy bazasida e’lon qilingan va 12.03.2018 yildan kuchga kirdi.
Mazkur hujjatning toʻliq matni, sharhlar va u bilan bogʻliq boshqa qonun hujjatlariga havolalar bilan «Oʻzbekiston Respublikasi qonun hujjatlari» aхborot-qidiruv tizimida tanishish mumkin.
Lenara Xikmatova.
