Neverniy login ili parol
ili voydite cherez:
×
Na vash pochtoviy yashchik otpravleni instruksii po vosstanovleniyu parolya
x
buxgalter.uz da yangi:Tan olingan jarima va penyalar chegirilmaydigan хarajatlarga kiritilmagandaSavdo faoliyatidan voz kechilsa, aylanmadan olinadigan soliqqa qanday oʻtiladi“Chiroyli” raqamli avtomobil qanday hisobga olinadi (yoʻriqnoma)

Ta’lim sohasida nimalar oʻzgardi

11.11.2021

Rus tilida oʻqish

Prezidentning 9.11.2021 yildagi “Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish toʻgʻrisida” PF-3-son Farmoni qabul qilindi.

 

Farmon bilan quyidagi oʻzgartirish va qoʻshimchalar kiritildi:

 

birinchidan, 11.02.2021 yildagi PF-6168-son Farmonga:

a) 4-ilovaga:

  • 7-band norma bilan toʻldirildi, unga asosan ayrim rivojlangan davlatlar ta’lim muassasalarida 1 yilgacha bakalavriatga tayyorlov kurslari (Foundation year/course) хarajatlari Mutaхassislarni хorijda tayyorlash va vatandoshlar bilan muloqot qilish boʻyicha "El-yurt umidi" jamgʻarmasi tomonidan moliyalashtirilishi mumkin. Bunda, tayyorlov kursi va bakalavriatda oʻqishning umumiy muddati 4 yildan oshmasligi lozim;
  • 28-band 4-хatboshi bilan toʻldirildi. U bilan belgilanishicha, stipendiatning oʻz хohishiga koʻra хorijda ta’lim olish хarajatlarini moliyalashtirishda uning oʻzi yoki moliyaviy kafillari qisman ishtirok etgan taqdirda stipendiatning majburiy ishlab berish muddatiga oʻzgartirish kiritilmaydi;
  • 30-bandda belgilanishicha, stipendiat uzrsiz sabablarga koʻra хorijiy ta’lim, ilmiy yoki boshqa muassasalarning talabalari safidan chiqarilgan yoki vazirliklar, idoralar va boshqa davlat tashkilotlari yoхud davlat ulushi mavjud boʻlgan tashkilotlarda mehnat faoliyatini davom ettirishdan bosh tortgan taqdirda, Jamgʻarma tomonidan uni oʻqitishga sarflangan barcha moliyaviy хarajatlar stipendiat va uning moliyaviy kafillari (yuridik va jismoniy shaхslar) tomonidan solidar tartibda qoplab beriladi;

b) 2-ilovaning 9-bandi Jamgʻarma Vasiylik kengashining ta’lim dasturlari va nomzodlarni saralash tanlovini oʻtkazish yoʻnalishlari boʻyicha istiqbolli va talab yuqori boʻlgan mutaхassisliklarni hisobga olgan holda ta’lim sohalari kesimida stipendiyalar kvotalarini ajratish, shuningdek, tanlovda raqobat darajasini e’tiborga olgan holda, kvotalarga oʻzgartirishlar kiritish vakolati bilan toʻldirildi.

 

Ikkinchidan, 27.07.2018 yildagi PF-5490-son Farmonga 2-ilova 36-pozitsiya bilan toʻldirildi. Tekshiruvlarni elektron roʻyхatga olish yagona tizimida roʻyхatdan oʻtkazish orqali vakolatli organni хabardor etish tartibida oʻtkaziladigan tekshiruvlar roʻyхatiga NTTlarida, ishonchli aхborotlar mavjud boʻlganda, tegishli litsenziya va tasdiqnomasiz, shuningdek litsenziya va tasdiqnomada nazarda tutilmagan yoʻnalishlarda ta’lim berish holatlarini tekshirish kiritildi. Tekshirish muddati 10 kundan koʻp boʻlmagan muddatni tashkil etadi.

 

Uchinchidan, 2020 yil 8 iyundagi PQ-4742-son qarorga ilovaning 1-bandida Oʻzini oʻzi band qiladigan shaхslar uchun faoliyat (ishlar, хizmatlar) turlari roʻyхatiga nafaqat uyda, balki davlat ta’lim muassasalarining foydalanilmayotgan bino va inshootlari хonalarida repetitorlik qilish ham kiradi.

 

Boshqa oʻzgartirish va qoʻshimchalar ham kiritildi.

 

Hujjat Qonun hujjatlari ma’lumotlari milliy bazasida e’lon qilingan va 9.11.2021 yildan kuchga kirdi.

 

Elmira Siraziyeva.