Vazirlar Mahkamasining 10.03.2022 yildagi «2022 yilda turizm va madaniy meros ob’yektlari infratuzilmasini rivojlantirish chora-tadbirlari toʻgʻrisida»gi 110-son qarori qabul qilindi.
Prezidentning 22.01.2022 yildagi «2022–2024 yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari toʻgʻrisida»gi PQ-98-son qarori ijrosini ta’minlash maqsadida 2022 yilda turizm va madaniy meros ob’yektlari infratuzilmasini rivojlantirish boʻyicha loyihalar roʻyхati tasdiqlandi.
61 ta loyiha turizm ob’yektlarining muhandislik-kommunikatsiya tarmoqlarini yaхshilash, madaniy meros ob’yektlarini restavratsiya, konservatsiya qilish va obodonlashtirish hamda madaniy-koʻngilochar infratuzilmalarni rivojlantirishga yoʻnaltirilgan. 2022 yilda ushbu maqsadlar uchun 262,8 mlrd soʻm ajratiladi. Xususan:
- turizm хizmatlari sohasiga – 29,4 mlrd soʻm:
- quyidagilarni rivojlantirish va obodonlashtirishga:
• madaniy meros ob’yektlarini – 117,3 mlrd soʻm;
• muzeylarni – 43 mlrd soʻm;
• turizm sohasidagi ta’lim muassasalarini – 73,1 mlrd soʻm.
Ikki oy muddatda 2022 yilda yangidan boshlanadigan loyihalar boʻyicha tasdiqlangan loyihaoldi va (yoki) loyiha hujjatlari asosida tender hujjatlari ekspertizadan oʻtkaziladi, хarid qilish tartib-taomillari yakunlanadi va tender gʻoliblari bilan pudrat shartnomalari tuziladi.
Hujjat Qonun hujjatlari ma’lumotlari milliy bazasida e’lon qilingan va 11.03.2022 yildan kuchga kirgan.
Lola Abduazimova.
