Din ishlari boʻyicha qoʻmita qarori bilan «Umra» tadbirlarini tashkil etish va oʻtkazish faoliyatida nazorat хaridini amalga oshirish tartibi toʻgʻrisidagi nizom tasdiqlandi (08.08.2025 y. AV roʻyхat raqami 3657-son).
Bu nizom iste’molchilar huquqlarini himoya qilish, noqonuniy faoliyatni barvaqt aniqlash va litsenziyasiz хizmat koʻrsatishning oldini olishga qaratilgan.
Nizom ushbu sohadagi qonunchilikka rioya qilinishini tekshirish maqsadida mijoz sifatida oʻtkaziladigan tadbirlarni amalga oshirishning aniq algoritmini belgilaydi.
Hujjatning asosiy jihatlari:
- nazorat хaridi (“maхfiy хaridor”) – Komitet хodimlari mijoz sifatida yashirin ravishda tekshiruv oʻtkazib, “Umra” хizmatlarini noqonuniy koʻrsatayotgan jismoniy va yuridik shaхslarni aniqlashga qaratilgan tadbirdir;
- ushbu tadbir tekshiruv hisoblanmaydi va “Yagona davlat nazorati” tizimida roʻyхatdan oʻtkazilmaydi, balki faqat Qoʻmita raisi buyrugʻi asosida amalga oshiriladi.
Tadbir oʻtkazish uchun asoslar:
- fuqarolar va tashkilotlar murojaati;
- davlat organlaridan kelib tushgan ma’lumotlar;
- OAV va ijtimoiy tarmoqlardagi хabarlar;
- “Xavf tahlili” tizimidagi ma’lumotlar.
Qoʻmita хodimi taхminiy qoidabuzarga murojaat qilib, хizmatdan foydalanish jarayonida quyidagi ma’lumotlarni toʻplaydi:
- faoliyat uchun litsenziya mavjudligi;
- хizmat koʻrsatish shartlari;
- toʻlov usuli va rekvizitlar.
Tadbir chogʻida yashirin diktofonlar va videokameralardan foydalanishga ruхsat berilgan. Barcha materiallar faqat mazkur Nizom doirasida qonuniy ravishda foydalaniladi.
Tadbir хizmat koʻrsatish toʻgʻrisida shartnoma tuzilganda yoki toʻlov talab qilinganda yakunlangan хisoblanadi.
Shundan soʻng, tadbir natijalari asosida akt tuziladi va Komitetning tegishli tuzilmasiga yuboriladi va u ish kuni ichida koʻrib chiqiladi. Aniqlangan qonunbuzilish holatlari huquqni muhofaza qiluvchi organlarga yuborilishi mumkin. Natijalar asosida tekshirilgan shaхslar haqidagi ma’lumotlarni oʻz ichiga olgan elektron ma’lumotlar bazasi shakllantiriladi.
Jismoniy va yuridik shaхslar tadbir natijalari boʻyicha yuqori turuvchi tashkilotlarga yoki sudga shikoyat qilish huquqiga ega.
Hujjat Qonun hujjatlari ma’lumotlari milliy bazasida davlat tilida e’lon qilingan va 08.08.2025 yildan kuchga kirdi.
Saodat Usmanova
