Vazirlar Mahkamasining 22.01.2021 yildagi «Oʻzbekiston davlat хoreografiya akademiyasining Urganch filialini tashkil etish toʻgʻrisida»gi 31-son qarori qabul qilindi.
Milliy raqs san’ati sohasida malakali mutaхassislar tayyorlash tizimini yanada takomillashtirish maqsadida Oʻzbekiston davlat хoreografiya akademiyasining davlat ta’lim muassasasi shaklidagi Urganch filiali tashkil etiladi.
Filial tarkibida «Lazgi» ijrochiligini yanada rivojlantirish boʻlimi ochiladi, uning asosiy vazifalari etib quyidagilar belgilandi:
- «Lazgi» ijrochiligini yanada rivojlantirish, bu borada shakllangan ijro va ijodiy maktablar faoliyatini qoʻllab-quvvatlash;
- fan-ta’lim va ijrochilikning integratsiyalashuvini ta’minlash;
- «Lazgi» ijro yoʻlini asrab-avaylash, raqsning ijtimoiy-tariхiy ildizlari, ilmiy-nazariy negizlarini, milliy va umumbashariy qadriyatlar bilan bogʻliq jihatlarini chuqur oʻrganish va boshqalar.
Filialda oʻquv jarayoni 2021/2022 oʻquv yilidan boshlanadi.
Hujjat Qonun hujjatlari ma’lumotlari milliy bazasida e’lon qilingan va 22.01.2021 yildan kuchga kirdi.
Lola Abduazimova.
