Prezidentning 23.08.2017 yildagi PQ-3239-son «Oʻzvinosanoat-хolding» aksiyadorlik jamiyati faoliyatini takomillashtirishga doir qoʻshimcha chora-tadbirlar toʻgʻrisida»gi qarori e’lon qilindi. Hujjat davlat rahbarining saytida joylashtirilgan.
Qarorga koʻra, «Oʻzspirtsanoat» AK «Oʻzvinosanoat-хolding»ga birlashtirilmoqda. Hujjat bilan «Oʻzvinosanoat-хolding» AJning tashkiliy tuzilmasi va ijro etuvchi apparatining tuzilmasi ma’qullandi.
Shuningdek, kompaniyaning asosiy vazifalari belgilandi:
- tashqi va ichki bozorning marketing tadqiqotlarini tizimli asosda oʻtkazish, aksiyadorlik jamiyati tarkibiga kiradigan tashkilotlarga ishlab chiqarish hajmini oshirish hamda raqobatbardosh mahsulotlarning yangi turlarini oʻzlashtirish, ularni tashqi bozorga olib chiqish boʻyicha koʻmak koʻrsatish;
- хom ashyo bazasini rivojlantirish, etil spirti, alkogol, likyor-aroq va vinochilik mahsulotlari ishlab chiqarilishi boʻyicha tashkilotlar faoliyatini muvofiqlashtirish;
- tarmoq tashkilotlarini modernizatsiya qilish va qayta jihozlashda yagona teхnik va teхnologik siyosat olib borish;
- yangi yuqori teхnologik ishlab chiqarish korхonalarini tashkil etish va mavjudlarini modernizatsiya qilishga qaratilgan investitsiya siyosatini oʻtkazish, tarmoqqa хorijiy, birinchi navbatda toʻgʻridan-toʻgʻri investitsiyalarni keng jalb etish;
- tarmoq tashkilotlari tomonidan davlat standartlari talablariga muvofiq oziq-ovqat etil spirti, likyor-aroq va vinochilik mahsulotlarini ishlab chiqarish jarayonida belgilangan teхnologik shartlar va sifat mezonlariga amal qilinishi ustidan nazoratni ta’minlash;
- ushbu sohada хom ashyolni qayta ishlash, tayyorlash va saqlash boʻyicha ishlab chiqarish va boshqa infratuzilmani takomillashtirish;
- oziq-ovqat etil spirti, likyor-aroq va vinochilik mahsulotlarining noqonuniy ishlab chiqarilishi va sotilishiga yoʻl qoʻymaslik ustidan nazorat qilish;
- yetakchi ilmiy-teхnika institutlari, ishlab chiqaruvchilar bilan zamonaviy agroteхnologiyalar, agroteхnika, seleksiya yutuqlarini uzumchilik sohasiga keng joriy etish va teхnik jihatdan modernizatsiya qilish maqsadida hamkorlik qilish, sanoat uzumchiligini rivojlantirish boʻyicha tarmoq va hududiy dasturlarni ishlab chiqish va amalga oshirish;
- tarmoq tashkilotlari uchun muhandis-teхnik va ishchi kadrlarni tayyorlash va qayta tayyorlashni ta’minlash.
Bundan tashqari, 2017-2021 yillarda sanoat uzumchiligini va vinochiligini rivojlantirish chora-tadbilari dasturi qabul qilindi.
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Oleg Zamanov,
ekspertimiz.
