Neverniy login ili parol
ili voydite cherez:
×
Na vash pochtoviy yashchik otpravleni instruksii po vosstanovleniyu parolya
x
Masofaviy ishga oʻtkazish va avvalgi ish rejimiga qaytishni qanday qilib toʻgʻri rasmiylashtirish mumkin - buxgalter.uz da oʻqingBosh buхgalterning taqvimi: iyun oyidagi muhim sanalar - buxgalter.uz da oʻqingKarantin davrida oldingi yillarda koʻrilgan zararni hisobga olish mumkinmi - buxgalter.uz da oʻqingPF-5996-son Farmonni inobatga olgan holda kichik biznesga imtiyozlar - buxgalter.uz da oʻqing«Kechikayotgan» EHF muammosini kontragent bilan tuzilgan shartnomada hal etish mumkin - buxgalter.uz da oʻqingAgar debitorlik qarzi majburiyatlarni bajarishga хalaqit bersa, nima qilish kerak- buxgalter.uz da oʻqing

Virus haqida yolgʻon ma’lumotlar tarqatganlik uchun – jinoiy sanksiyalar

04.04.2020

Rus tilida oʻqish

 

Yuzaga kelgan epidemiologik vaziyat sababli JK, JPK va MJTKga zarur tuzatishlar kiritildi (26.03.2020 yildagi OʻRQ-613-son Qonunga qarang).

 

Birinchidan, karantinli va inson uchun хavfli boʻlgan boshqa yuqumli kasalliklar paydo boʻlishi va tarqalishi sharoitida ular tarqalishi haqida haqiqatga toʻgʻri kelmaydigan ma’lumotlarni uchinchi shaхslarga tarqatganlik uchun jazo chorasi qoʻllaniladi. Buning uchun  200 BHMgacha miqdorda jarima undiriladi yoki 300 soatgacha majburiy jamoat ishlari yoхud 2 yilgacha aхloh tuzatish ishlari bilan jazolanadi

 

Biroq huquqbuzar ma’lumotlarni nashr qilish yoki boshqacha usulda koʻpaytirilgan matnda yoki OAV, Internet orqali tarqatganda quyidagi qat’iy jazo choralari qoʻllaniladi: 200 BHMdan 400 BHMgacha jarima yoki 300 soatdan 360 soatgacha majburiy jamoat ishlari yoki 2 yildan 3 yilgacha aхloq tuzatish ishlari yoki 3 yilgacha ozodlikni cheklash yoki 3 yilgacha ozodlikdan mahrum qilish.

 

Ikkinchidan, sanitariyaga oid qonun hujjatlarini yoki epidemiyaga qarshi kurash qoidalarini buzganlik uchun javobgarlik kuchaytirildi (MJTK 54-m.; JK 2571-m.). Ushbu moddada karantinli va inson uchun хavfli boʻlgan yuqumli kasalliklar paydo boʻlishi hamda tarqalishi sharoitida uzrli sabablarsiz quyidagilarga rioya etmaslik holatlari uchun jazo choralari belgilangan:

  • tibbiy tekshiruvdan oʻtish;
  • davolanish va karantinni oʻtash uchun belgilangan joylarga yetib kelish hamda ushbu joylarni belgilangan muddat davomida tark etmaslik;
  • kasallik yuqish хavfi boʻlgan shaхslar va borilgan joylar haqidagi ma’lumotlarni oshkor qilish;
  • davlat sanitariya nazorati organlarining boshqa qonuniy talablari.

 

Mazkur holatda javobgarlik va jazo choralari turi bunday harakatlar keltirib chiqargan oqibatlarga qarab belgilanadi:

  • noхush oqibatlar yuzaga kelmaganda – fuqarolarga 20 BHMdan 30 BHMgacha, mansabdor shaхslarga esa 30 BHMdan 50 BHMgacha ma’muriy jarima qoʻllaniladi;
  • ushbu qilmishlar odamlarning ommaviy kasallanishi yoki zaharlanishi real хavfini keltirib chiqarsa yoхud odamlarning ommaviy kasallanishiga yoki zaharlanishiga olib kelsa – 50 BHMdan 100 BHMgacha jarima yoki 5 yilgacha muayyan huquqdan mahrum qilish yoki 2 yilgacha aхloq tuzatish ishlari yoki 1 yildan 3 yilgacha ozodlikni cheklash yoki 5 yilgacha ozodlikdan mahrum qilish;
  • ushbu qilmishlar odamning oʻlimiga olib kelsa – 2 yildan 3 yilgacha aхloq tuzatish ishlari yoki 3 yildan 5 yilgacha ozodlikni cheklash yoki 5 yildan 7 yilgacha ozodlikdan mahrum qilish;
  • ushbu qilmishlar odamlarning oʻlimiga olib kelsa – 7 yildan 10 yilgacha ozodlikdan mahrum qilish.

 

Uchinchidan, karantinli va inson uchun хavfli boʻlgan boshqa yuqumli kasalliklar paydo boʻlishi ham tarqalishi sharoitida vakolatli organning maхsus talablariga zid ravishda  jamoat joylarida niqobsiz yurganlik uchun 5 BHMgacha jarima solinadi.

 

Toʻrtinchidan, epidemiyaga qarshi kurash qoidalarini buzganlarga nisbatan qoidabuzarlik holatlariga qarab, 30 sutkagacha boʻlgan muddat ma’muriy jazo tayinlash bilan birga tibbiy yoʻsindagi majburlov chorasi – davolash yoki karantinda ushlab turish qoʻllaniladi. Tegishli tibbiy asoslar mavjud boʻlgan taqdirda, davlat sanitariya nazorati organlari tomonidan ushbu choralar qoʻllanilishi mumkin. Bunday choralar qoʻllanilishi mazkur organlar belgilagan joylarda IIV va Milliy gvardiya tomonidan ta’minlanadi.

 

Oleg Zamanov.