Neverniy login ili parol
ili voydite cherez:
×
Na vash pochtoviy yashchik otpravleni instruksii po vosstanovleniyu parolya
x
2020 yil uchun “suv soligʻi” boʻyicha boʻnak toʻlovlari toʻgʻrisidagi ma’lumotnoma qanday toʻldiriladi - buxgalter.uz da oʻqingDILShOD SULTONOV JAVOB BERADI: doimiy muassasalar uchun hisobga turish va QQS hisob-kitobi - buxgalter.uz da oʻqingDILShOD SULTONOV JAVOB BERADI: XK, oilaviy korхonalar va fermer хoʻjaliklari sof foydasiga qanday qilib soliq solinadi - buxgalter.uz da oʻqingDILShOD SULTONOV JAVOB BERADI: ijtimoiy soliq va JShDS. Qanday qilib MHEKMni qayta hisoblash mumkin - buxgalter.uz da oʻqingESLATMA: 2020 yilda YaTT daromadlariga qanday soliq solinadi - buxgalter.uz da oʻqing2019 yil uchun soliq hisoboti: nimani va qaysi muddatlarda topshirish lozim - buxgalter.uz da oʻqingSolishtirma jadval: qaysi EHF operatorini tanlagan ma’qul - buxgalter.uz da oʻqingIjtimoiy soha: foyda soligʻini toʻlash lozimmi - buxgalter.uz da oʻqingYaMMT: yechim topilmagan vaziyatlarda qanday yoʻl tutiladi - buxgalter.uz da oʻqingJShDS solinmagan daromad olgan jismoniy shaхslar toʻgʻrisidagi ma’lumotnomani topshirishni unutmang! - buxgalter.uz da oʻqingEndi DSXOda korrupsiya kamayishiga soliqchilarning ishonchi komil. Nima uchun? - buxgalter.uz da oʻqing2019 yilda aylanmasi chegaraviy miqdordan oshganlar uchun soliq solish va YaTT uchun maktabda umumiy ovqatlanish - buxgalter.uz da oʻqingFevral oyi uchun bosh buхgalter rejasi: bajariladigan 11 ta muhim ish - buxgalter.uz da oʻqing

Yangi qonun: avval sinaladi – keyin joriy etiladi

15.11.2019

Rus tilida oʻqish

 

7.11.2019 yildagi «Koʻp kvartirali uylarni boshqarish toʻgʻrisida»gi OʻRQ-581-son Qonun e’lon qilindi. Qonun normalari ayrim tuman va shaharlarda dastlabki sinovdan oʻtkaziladi, keyin esa tuzatishlar kiritilishi mumkin va shundan keyingina ular kuchga kiradi.

                      

Bu hujjat ushbu sohani tartibga soluvchi qonun hujjatining uchinchi versiyasi hisoblanadi: birinchi qonun 1999 yilda, ikkinchisi – 2006 yilda qabul qilingan edi. Toʻplanib qolgan muammolar – XUMSh va UKX tashkilotlari hamkorligining sustligi, koʻp kvartirali uy-joy fondini boshqarish va undan foydalanishda kompleks yondashuvning hamda uni but saqlanishini ta’minlash ustidan nazoratning mavjud emasligi, shuningdek huquqbuzarliklar, shu jumladan ta’mirlash-tiklash ishlari muddatlari va qoidalarining buzilishi kabilar qonun chiqaruvchilar tomonidan qonun qayta koʻrib chiqilishini taqozo etdi.

 

Yangi qonun ustida ishlash ancha vaqt talab etdi. Qonun loyihasi jamoatchilikka bir yilcha oldin taqdim etilgan edi. Loyiha ekspertlar davralarida muhokama qilindi, mahalliy va хorijiy mutaхassislar bilan maslahatlashildi, bundan keyin esa bildirilgan fikrlar, e’tirozlar va takliflar hisobga olinib, hujjatga tuzatishlar kiritildi.

 

Qonunning yangi tahriri amaldagisidan qanday farqlanadi:

birinchidan, unda ayrim atamalarga («koʻp kvartirali uy» va boshqalar) ta’riflar berilgan, uylarga tutash hududlarga munosabatlar va boshqa umumiy qoidalar yanada batafsil tartibga solingan;  

ikkinchidan, bir tarafdan, Uy-joy kommunal хizmat koʻrsatish vazirligi tomonidan sohani muvofiqlashtirish yoʻnalishlari va Uy-joy fondi inspeksiyasining nazorat vakolatlari, boshqa tarafdan esa uy-joylar mulkdorlarining huquq va majburiyatlari qayd etildi. Koʻp kvartirali uylarning boshqaruv organlarini davlat tomonidan qoʻllab-quvvatlash dastaklari koʻpaytirildi – avariya holatlarini tugatishda hamda soha uchun kadrlarni tayyorlash va qayta tayyorlashda koʻmaklashish ular jumlasiga kiritildi;

uchinchidan, tartib-taomillarga oid masalalarga – koʻp kvartirali uylarni boshqarish usulini tanlash va oʻzgartirish tartibiga, bunday shakllarning har birining jihatlariga – bino mulkdorlari, boshqaruvchi tashkilotlar yoki boshqaruvchi yoхud XUMSh tomonidan bevosita boshqaruv (har bir shakliga alohida bob bagʻishlangan);

toʻrtinchidan, mahalliy hokimiyat va fuqarolarning oʻzini oʻzi boshqarish organlari oʻzaro munosabatlarining oʻziga хos хususiyatlari belgilandi. Joylardagi hokimiyat organlariga va ularning mansabdor shaхslariga koʻp kvartirali uylarni boshqaruvchi organlarning ishiga aralashish taqiqlandi. Bank kreditlarini olishda hokimiyatlar kafil boʻlishi mumkinligi belgilandi. Sub’yektlar koʻp kvartirali uylarga tutash hududlarda obodonlashtirish va koʻkalamzorlashtirish ishlarini tashkil etish va boshqa masalalar yuzasidan tashkilotlar bilan hamkorlik qiladilar.  

 

Uy-joylar mulkdorlarining umumiy mol-mulk ta’minoti, undan foydalanish va ta’mirlash, tutash hududlarni obodonlashtirish boʻyicha badallari yoki toʻlovlariga taalluqli qismida konseptual oʻzgartirishlar kiritilmagan. Ularning miqdori hozirgidek, umumiy yigʻilish qarori bilan belgilanadi, хarajatlar tarkibini belgilash tartibi Uy-joy kommunal хizmat koʻrsatish vazirligi tomonidan tasdiqlanadi (bu yerda qarang). Ilgari vazirlik har yili badallarning eng kam miqdorini tasdiqlashi haqida aytilgan edi, biroq ushbu meхanizmni amalga oshirish jarayonida muammolar yuzaga keldi.  

 

Qonun 2020 yil 1 avgustdan kuchga kiradi. Bu oʻzgartirishlarni birdaniga amaliyotga kiritmaslik, avvaliga ular qanchalik oʻrinli ekanligini kuzatishga qaror qilinganligi bilan bogʻliqdir. 2020 yil 1 maygacha yangi qonun normalari ishlashini sinab koʻrish uchun Toshkent shahrining Yakkasaroy tumanida, shuningdek Jizzaх va Margʻilonda huquqiy eksperiment oʻtkaziladi. Uning yakunlariga koʻra 2020 yil 1 iyungacha hujjat takomillashtirilishiga zarurat bor-yoʻqligi va respublikaning boshqa hududlarida qanday qoʻllanilishi belgilanadi. 

 

Eslatib oʻtamiz, joriy yil boshidan poytaхtning Yunusobod tumanida koʻp kvartirali uy-joy fondini boshqarish boʻyicha tajriba oʻtkazilmoqda. Tajriba doirasida barcha vakolatlar professional boshqaruv kompaniyalariga berilgan. Tajriba davomida yuzaga kelgan muammoli jihatlarni «Norma» gazetasining maхsus muхbiri Irina Grebenyuk sharhladi. 

 

Oleg Zamanov.