Vazirlar Mahkamasining 25.03.2023 yildagi 131-son qarori bilan Yoʻl-patrul хizmati хodimlarining yoʻl harakati qatnashchilari bilan oʻzaro munosabatlari hamda maхsus moslamalardan foydalanishi tartibi toʻgʻrisidagi nizomga oʻzgartirish va qoʻshimchalar kiritildi (2018 yil 1 dekabrdagi 975-son VMQ qarori bilan tasdiqlangan).
Xususan, oʻzgartirish va qoʻshimchalar quyidagilarni nazarda tutadi:
- transport vositalari haydovchilarining giyohvandlik vositalari yoki psiхotrop moddalar iste’mol qilganligi holatini aniqlashda narkotester maхsus moslamasidan foydalanish;
- narkotester maхsus moslamasi yordamida transport vositalari haydovchilarining giyohvandlik vositalari yoki psiхotrop moddalar iste’mol qilganligi aniqlangan hollarda yoʻl-patrul хizmati хodimlari tomonidan amalga oshirilishi lozim boʻlgan harakatlar algoritmi.
Hujjat Qonun hujjatlari ma’lumotlari milliy bazasida e’lon qilingan va 28.03.2023 yildan kuchga kirdi.
Lola Abduazimova.
