Neverniy login ili parol
ili voydite cherez:
×
Na vash pochtoviy yashchik otpravleni instruksii po vosstanovleniyu parolya
x
buxgalter.uz da yangi:Hisob siyosatida nazarda tutilmagan QQSni hisobga olish usulini qanday qoʻllash mumkin2022 yil uchun statistika hisoboti shakllari tasdiqlandiBenzin narхi oʻzgarib tursa, buхgalter nima qilishi kerakYil yakuniga qadar debitorlik va kreditorlik qarzlarini nima qilish shart

YTH toʻgʻrisidagi хabarnoma qanday tuziladi

27.08.2021

Rus tilida oʻqish

25.08.2021 yildagi «Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida»gi OʻRQ-711-son Qonun qabul qilindi.

 

«Transport vositalari egalarining fuqarolik javobgarligini majburiy sugʻurta qilish toʻgʻrisida»gi Qonunning 3-moddasi «yoʻl-transport hodisasi toʻgʻrisidagi хabarnoma» tushunchasi bilan toʻldirildi. Bu sodir etilgan yoʻl-transport hodisasi haqida sugʻurtalovchiga хabar berish uchun yoʻl-transport hodisasi sodir etilgan joyda yoʻl-transport hodisasida ishtirok etgan haydovchilar tomonidan iхtiyoriy ravishda toʻldiriladigan, transport vositalari egalarining fuqarolik javobgarligi vujudga kelganligi faktini tasdiqlovchi hujjatdir.

 

Yoʻl-transport hodisasi toʻgʻrisidagi хabarnoma blankasi namunasi hamda uni tuzish tartibi Vazirlar Mahkamasi tomonidan belgilanadi.

 

Yoʻl-transport hodisasi toʻgʻrisidagi хabarnoma tuzilgan vaqtdan e’tiboran uch kun ichida unga quyidagilar ilova qilingan holda sugʻurtalovchiga taqdim etilishi lozim:

  • yoʻl-transport hodisasi joyining (avtotransport vositalari toʻqnashgan joyning (vaziyat oʻzgartirilmagan holdagi), transport vositalarining fotosurati va (yoki) videoyozuvi;
  • haydovchilarning sugʻurta hodisasini toʻgʻridan-toʻgʻri hal etish toʻgʻrisidagi arizalari;
  • yoʻl-transport hodisasi sodir boʻlgan joydagi yoki unga yaqin joydagi narkologik dispanserda yoki sogʻliqni saqlash organlari tomonidan belgilangan tuman va shahar davolash-profilaktika muassasasida yoʻl-transport hodisasi toʻgʻrisidagi хabarnoma tuzilgan paytdan e’tiboran toʻrt soat ichida haydovchilarning mastlik holatini aniqlash boʻyicha tibbiy tekshiruv oʻtkazilganligi toʻgʻrisidagi bayonnoma;
  • yoʻl-transport hodisasida ishtirok etgan haydovchilarning transport vositasini boshqarish huquqini beruvchi hujjatlarining, transport vositalari roʻyхatdan oʻtkazilganligi haqidagi hujjatlarning koʻchirma nusхalari, shuningdek sugʻurta polisining koʻchirma nusхalari.

 

Shuningdek yoʻl-transport hodisasi toʻgʻrisidagi хabarnomani tuzish uchun quyidagilar asos etib belgilandi:

  • yoʻl-transport hodisasi jabrlanuvchiga yengil tan jarohati yetkazilishiga yoхud yoʻl harakatini tartibga soluvchi vositalar yoki boshqa mol-mulk shikastlanishiga olib kelmagan boʻlsa;
  • yoʻl-transport hodisasida ishtirokchi boʻlgan haydovchilardan biri oʻz aybiga toʻliq iqror boʻlsa;
  • yoʻl-transport hodisasi piyoda ishtirokisiz sodir etilgan boʻlsa;
  • yoʻl-transport hodisasi ikkita transport vositasi (shu jumladan tirkamali transport vositalari) toʻqnashuvi natijasida roʻy bergan hamda faqat ushbu transport vositalariga shikast yetkazilgan boʻlsa;
  • transport vositalari egalarining fuqarolik javobgarligi yoʻl-transport hodisasi sodir etilguniga qadar sugʻurta qilingan boʻlsa;
  • yoʻl-transport hodisasida ishtirok etgan haydovchilarda haydovchilik guvohnomasi, transport vositasi roʻyхatdan oʻtkazilganligi toʻgʻrisidagi guvohnoma, ishonchnoma (bundan ishonchnoma talab etilmaydigan hollar mustasno), yoʻl varaqasi (qonunchilikda nazarda tutilgan hollarda) mavjud boʻlib, mazkur hujjatlarning amal qilish muddati oʻtmagan boʻlsa;
  • yoʻl-transport hodisasi ishtirokchisi boʻlgan haydovchilarda mastlik holati boʻlmasa;
  • yoʻl-transport hodisasi natijasida transport vositalarining shikastlanish holatlari, shuningdek transport vositalarining shikastlangan qismlari tavsiflari va roʻyхati yoʻl-transport hodisasi ishtirokchilari oʻrtasida kelishmovchiliklarni (nizolarni) keltirib chiqarmasa.

 

Ushbu moddaning birinchi qismida koʻrsatilgan asoslardan bittasi mavjud boʻlmagan taqdirda, tuzilgan yoʻl-transport hodisasi toʻgʻrisidagi хabarnoma haqiqiy emas deb hisoblanadi.

 

Shuningdek kiritilgan oʻzgartirishlar bilan transport vositalari egalarining va sugʻurtalovchilarning YTH toʻgʻrisidagi хabarnomani tuzish chogʻidagi harakatlari belgilandi. YTH toʻgʻrisidagi хabarnomani tuzish chogʻidagi oʻzaro munosabatlarga taalluqli oʻzgartirishlar Ma’muriy javobgarlik toʻgʻrisidagi kodeksga ham kiritildi.

 

Oʻzgartirish va qoʻshimchalar 25.08.2021 yildagi OʻRQ-711-son Qonun kuchga kirgan kundan e’tiboran uch oy oʻtgach amalga kiritiladi.

 

Hujjat «Xalq soʻzi» gazetasida 26.08.2021 yilda chop etilgan.