Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Новое на buxgalter.uz:Как сформировать и учесть резерв на гарантийный ремонт и обслуживание Памятка: на что бухгалтеру обратить внимание при смене адреса предприятия В каких случаях прекращается право аренды земельного участка Как сервис «Узнайте своих контрагентов» вредит добропорядочным налогоплательщикам Министерство финансов и ГНК услышали бухгалтеров и готовят необходимые меры

Абитуриентларнинг мактабда олган баҳолари олий таълим ташкилотларига киришда ҳисобга олинади

23.11.2021

Читать на русском языке

Вазирлар Маҳкамасининг 19.11.2021 йилдаги 696-сон қарори билан Таълим ташкилотлари битирувчилари баҳоларининг ўртача кўрсаткичини ҳисоблаш ва уни олий таълим ташкилотларига кириш имтиҳонларида инобатга олиш тартиби тўғрисида низом тасдиқланди.

 

Низомда қуйидагилар назарда тутилган:

  • таълим ташкилотлари томонидан мажбурий 11 йиллик таълимнинг сўнгги 6 йиллик баҳоларини акс эттирувчи электрон платформаларни юритиш ва баҳоларни мазкур платформаларга даврий равишда киритиб бориш;
  • битирувчилар баҳоларининг ўртача кўрсаткичларини ҳисоблаш, уларни электрон платформаларда акс эттириш тартиби ҳамда маълумотларни "Электрон ҳукумат" тизими идоралараро интеграциялашув платформаси орқали Давлат тест марказининг "ABITUR" махсус электрон дастурига узатиш;
  • таълим муассасаларининг ўртача балларини олий таълим ташкилотларига ўқишга қабул қилиш бўйича тест синовлари натижасини ҳисоблашда инобатга олиш.

 

Белгиланишича, мактаб битирувчисининг шаҳодатномасидаги 11 йиллик таълимнинг сўнгги 6 йиллик баҳолари олий таълим ташкилотларига кириш балларига қўшилади. Баҳолар электрон платформалари орқали ҳисобланади ва ДТМнинг «Abitur» дастурига юборилади.

 

Ўртача кўрсаткични ҳисоблашда 6-11 ёки 6-9-синфлардаги ҳамда 1-2-босқичлардаги умумтаълим фанлари бўйича йиллик баҳоларнинг умумий йиғиндиси ҳар бир синф ва босқичдаги ўқитилган умумтаълим фанлари сонининг умумий йиғиндисига нисбати олинади.

 

Максимал балл 100 фоиз сифатида қабул қилинади ва баллар баҳолаш тизимига қуйидаги тарзда ўтказилади:

  • 86-100% учун – 5 балл;
  • 71-85% учун – 4 балл;
  • 56-70% учун – 3 балл;
  • 56%гача - 2 балл.

 

Мазкур тартиб 2022/2023 ўқув йилидан эътиборан кучга киради.

 

Ҳужжат Қонун ҳужжатлари маълумотлари миллий базасида эълон қилинган ва 19.11.2021 йилдан кучга кирди.

 

Лола Абдуазимова.