Адлия органлари даромадлари қандай тақсимланади?

Нотариал ҳаракатларни содир этганлик учун ундириладиган давлат божи суммалари қуйидагича тақсимланади:

• 78 фоизи - туманлар ва шаҳарлар бюджетлари даромадига;
• 12 фоизи - Судлар ва адлия органларини ривожлантириш жамғармасини шакллантиришга;
• 10 фоизи - маблағларни адлия органларининг шахсий ҳисоб рақамларида жамлаш йўли билан давлат нотариал идораларини ва нотариал архивларни молиялаштиришга.

Ундириладиган герб йиғимидан туманлар ва шаҳарлар бюджетлари даромадига ажратмалар:

• гербли (махсус) бланкаларда ишончномалар ва битимларни нотариал тасдиқлаганлик учун - 50 фоиз миқдорида;
• фуқаролик ҳолати далолатномаларини ёзиш органлари томонидан гербли гувоҳномалар берганлик учун - 15 фоиз миқдорида. 

Ўзбекистон Ҳукуматининг айрим қарорларига тегишли ўзгартиришлар киритилди.

Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан яқин кунларда «Ўзбекистон Республикаси қонунчилиги» ахборот-қидирув тизимида танишиш мумкин.

Олег ЗАМАНОВ,
экспертимиз.