Вазирлар Маҳкамасининг 06.10.2025 йилдаги “Соғлом авлод учун” ҳукуматга қарашли бўлмаган халқаро хайрия жамғармасининг фаолиятини янада такомиллаштириш чора-тадбирлари тўғрисида"ги 626-сон қарори қабул қилинди.
Ҳужжат билан туман (шаҳар)ларда ташкил этилган Жамғарманинг таянч пунктларини тугатиш, уларнинг вазифалари ва мулкини Жамғарманинг ҳудудий бўлинмаларига топшириш назарда тутилган.
Фондга Соғлиқни сақлаш вазирлиги билан биргаликда жойларда, айниқса олис ва чекка ҳудудларда репродуктив ёшдаги аёллар, ҳомиладор аёллар ва болаларга кўрсатиладиган тиббий ёрдам сифатини янада ошириш қуйидаги йўллар билан таъминлаш тавсия этилади:
- репродуктив ёшдаги аёллар ва болалар орасида касалланишни камайтиришга ҳамда уларни соғломлаштиришга йўналтирилган “Соғлом аёл ва бола ойлиги”ни йилига икки маротаба ташкил этиш;
- болалар ва ўсмирлар, айниқса ўсмир-қизларни профилактик кўриклар билан қамраб олиш;
- бемор аёллар ва ногиронлиги бўлган болаларни чуқурлаштирилган тиббий кўрикдан ўтказилишини таъминлаш ҳамда уларни соғломлаштириш чораларини кўриш.
Ҳужжат Қонун ҳужжатлари маълумотлари миллий базасида давлат тилида эълон қилинган ва 06.10.2025 йилдан кучга кирди.
Лола Абдуазимова
