Вазирлар Маҳкамасининг 06.08.2024 йилдаги “Аҳолининг эҳтиёжманд қатламлари учун давлат томонидан кафолатланган ижтимоий хизматларни кўрсатиш чора-тадбирлари тўғрисида”ги 484-сон қарори қабул қилинди.
Шахснинг аҳолининг ижтимоий эхтиёжманд тоифасига мансублиги унинг ёзма аризасига кўра текширилади.
Ҳужжат билан Аҳолининг ижтимоий эхтиёжманд тоифалари классифиткатори тасдиқланмоқда. У қуйидаги 10 та гуруҳга тақсимланган 101 та субъектдан иборат: (тўлиқ рўйхатдан – шу ерда):
- ўзгалар парваришига мухтож шахс;
- ногиронлиги бўлган шахс;
- одам савдосидан жабрланган шахслар;
- тазйиқ ва зўравонликдан жабрланган хотин- қизлар;
- муайян яшаш жойига эга бўлмаган шахслар;
- психоактив моддаларга қарам бўлган шахслар;
- оғир (қийин) хаётий вазиятга тушиб қолган аёллар;
- фавқулодда вазиятлардан жабрланган шахслар
- озодликдан маҳрум килиш жойларидан озод қилинган шахслар
- оғир хаётий вазиятга тушиб қолган болалар.
Шунингдек, Ижтимоий хизматлар классификатори тасдиқланмоқда (тўлиқ рўйхат – шу ерда).
Ҳужжат Қонун ҳужжатлари маълумотлари миллий базасида эълон қилинган ва 07.08.2024 йилдан кучга кирди.
Собир Нурбердиев
