Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Новое на buxgalter.uzО чем говорит коэффициент разрыва по НДС Сколько инвентаризаций вы можете провести и сколько – обязаны Какой должен быть порядок проведения налогового контроля сделок при трансфертном ценообразовании Как компенсировать неиспользованные отпуска, если сотрудник не увольняется

Автомобилни ижара бериш тартиби соддалаштирилди

11.02.2022

Читать на русском языке

Президент томонидан 9 февраль куни «Фуқароларнинг ва тадбиркорлик субъектларининг ҳуқуқлари кафолатлари янада кучайтирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги ЎРҚ-752-сон Қонун имзоланди.

 

Эндиликда, автомототранспорт воситалари электрон савдо платформаси воситасида электрон онлайн-аукцион орқали ижарага берилганда ижарага бериш шартномаларини нотариал тартибда тасдиқлаш талаб этилмайди. Бунда, электрон онлайн-аукцион натижаларига кўра расмийлаштирилган баённома ижара шартномаси кучига эга булади. Қўшимча ФКнинг 565-моддасига киритилди.

 

Ўзбекистон Республикаси Савдо-саноат палатаси тўғрисида”ги Қонуннинг 9-моддасининг биринчи қисми олтинчи хатбоши билан тўлдирилди. Эндиликда, ССП хўжалик шартномалари доирасида юзага келадиган енгиб бўлмас куч (форс-мажор) ҳолатларини тасдиқлайди, бундан ташқи савдо битимлари ва халқаро шартномалар шартларига мувофиқ Ўзбекистон Республикаси ҳудудида юзага келган енгиб бўлмас куч (форс-мажор) ҳолатлари мустасно.

 

Шунингдек, СКнинг 483-моддасида белгиланган вақтинчалик солиқ имтиёзларининг муддати узайтирилди. Агар илгари ҚҚС бўйича имтиёз 2021 йил 1 майдан 31 декабргача тақдим этилган бўлса, энди бу муддат 2021 йил 1 майдан 2022 йил 30 апрелгача белгиланди. СКнинг 483-моддаси 10-қисмида назарда тутилган имтиёз ҳам 2022 йил 30 апрелгача узайтирилди.

 

Ҳужжат «Халқ сўзи» газетасида 10.02.2022 йилда эълон қилинди ва расмий эълон қилинган кундан кучга кирди.


Саодат Усманова.