Адлия вазирлиги томонидан «Айрим идоравий норматив-ҳуқуқий ҳужжатларни Идоравий норматив-ҳуқуқий ҳужжатларнинг давлат реестридан чиқариш тўғрисида»ги буйруқ чиқарилди (АВ рўйхат рақами 3293, 31.03.2021 й.).
Рўйхатга мувофиқ қирқ тўртта норматив-ҳуқуқий ҳужжат давлат реестридан чиқарилади. Қуйидаги ҳужжатлар ҳам рўйхатга киритилган:
- Марказий депозитарийнинг савдо ва ҳисоб-китоб-клиринг тизимлари билан ўзаро фаолияти тартиби (АВ рўйхат рақами 854, 16.12.1999 й.);
- Жаҳон иқтисодиёти ва дипломатия университетининг таълим дастурларини халқаро аккредитацияга тайёрлаш мақсадида уни аттестациядан ўтказишнинг махсус мезонлари (АВ рўйхат рақами 606, 20.01.1999 й.);
- «Марказий депозитарийнинг савдо ва ҳисоб-китоб-клиринг тизимлари билан ўзаро алоқадорлиги тартибига ўзгартириш ва қўшимчалар киритиш тўғрисида»ги буйруқ (АВ рўйхат рақами 584-1, 13.10.2008 й.);
- Ўзбекистон Республикаси банкларида асосий воситалар, номоддий активлар, кам баҳоли ва тез эскирувчи буюмларнинг бухгалтерлик ҳисоби бўйича йўриқнома (АВ рўйхат рақами 912, 18.03.2000 й.);
- «Ўзбекистон Республикасининг берилган радиочастоталарини халқаро-ҳуқуқий ҳимоя қилиш тўғрисида низомни тасдиқлаш ҳақида»ги буйруқ (АВ рўйхат рақами 1397, 6.08.2004 й.).
Ҳужжат «Норматив-ҳуқуқий ҳужжатлар тўғрисида»ги Қонунга, Президентнинг 13.04.2018 йилдаги «Ўзбекистон Республикаси Адлия вазирлиги фаолиятини янада такомиллаштиришга доир ташкилий чора-тадбирлар тўғрисида»ги ПҚ-3666-сон қарорига, Вазирлар Маҳкамасининг 9.10.1997 йилдаги «Вазирликлар, давлат қўмиталари ва идоралар меъёрий ҳужжатларининг қонунийлигини таъминлаш чора-тадбирлари тўғрисида»ги 469-сон қарорига мувофиқ қабул қилинган.
Ҳужжат Қонун ҳужжатлари маълумотлари миллий базасида эълон қилинган ва 31.03.2021 йилдан кучга кирди.
Наргиза Воҳидова.
